呢單新聞可能之前都睇過，不過最近就傳到去日本，話說中國遼寧省瀋陽市最近就有項「綠化」工程，搵人喺無曬樹葉嘅枯枝上重新貼上綠色嘅假樹葉，

日本網民笑到口都合唔埋，有人話：「唔可以因為外觀唔靚就改變自然定律」、「成日向無用嘅方向進化」、「不如裝LED燈飾啦」，

仲有人拎返之前佢哋用顏料噴草地嘅事嘅恥笑。

不過都有網民話日本唔好笑人，因為佢哋嘅政府都用咗幾億日元去處理2011年大地震後嘅「奇跡の一本松」，唔知呢件事嘅入嚟有回帶。

其實中國除咗今次瀋陽市貼樹葉嘅門面工程，仲有林林種種嘅呢類工程，例如長春市嘅馬路舖設咗一條塑膠長布，

上面印咗綠色植物，喺冬天製作綠化氣氛。又例如陝西喺荒山上油啲綠色漆油就當緣化；

河南甚至將仲有一個月可以收成嘅麥田推平改種樹苗，目的就係整條綠化通道出嚟，極之附合國情。

有人回帶講噴草地綠化事件

回帶睇「奇跡の一本松」：

2011年3月11日東日木發生大地震引發海嘯，高田松原嘅7萬棵松樹全部移平，唯獨入面有一棵松樹奇跡地屹立不倒！

日本人認為呢棵松樹頑強嘅精神象徵咗日本精神，仲幫佢改咗個名叫「奇跡の一本松」，將位置變成旅遊景點，

不過日本網民就認為政府無聊嘥錢，引起好大爭議。

轉載請註明來源：今天頭條