2年5月9日，寶貝女劉向蕙（Hanna）出世後，劉華並未滿足，得一想二的他開曬口要追個仔。華嫂朱麗倩50歲（6/4）將至，急不容緩的劉華夫婦經御用婦產科醫生蘇偉基，安排定期接受人工受孕。皇天不負有心人，朱麗倩去年尾成功再度有喜！

生仔恨到出曬聲！去年劉華同歌迷慶生，毫不掩飾地對住過千「家人」自認想生多個仔。當日是內地「金雞獎」舉行頒獎禮的日子，劉華在台上說：「原本今日要去『金雞獎』，但要嚟呢個活動，所以冇去到。」主持陳芷菁接口說：「你已經系我哋心目中慨影帝。」點知劉華直情流露爆出一句：「心目中有鬼用咩？我夠心目中有個仔啦！」

上周二（三月二十二日），懷孕已到四個月穩定期的朱麗倩，著住白色松身大肚裙遮肚，由於是流感高峰期，口罩更加不離口，在助手同保鏢陪同下，快閃九龍城。

當日落住毛毛雨，朱麗倩在海味鋪入貨，當她拎銀包準備俾錢時，白色裙被風吹起，四個月肚馬上現形，冇得呃人。

之後一行人再去附近的台灣食品店快買十分鐘，雖然保母車泊正鋪頭門口，但慎防大肚婆俾雨淋濕身冷親，保鏢開定遮護送上車。

據了解，劉華得知自己將再做老豆，立即大為緊張。其時他正忙住宣傳賀歲片《賭城3》，同一時間又要飛去北京開拍新戲《王牌對王牌》，劉華於是急召身在馬來西亞的姨仔返港，幫手照顧老婆。

超齡趕尾班車，劉華夫婦千方百計求子，除了誠心拜佛，全家人食齋戒肉。

據知，自從女兒滿一歲後，朱麗倩便開始定時定候由生殖科專家蘇偉基，安排進行人工受孕，屢敗屢試！努力至去年十二月，終於收到喜訊。

「Hanna出世之後，朱麗倩定咗一年，因為要湊BB同要俾身體恢復；佢唔後生，就算之後再開始接受人工受孕，都失敗咗好多次；每次失敗，等半個月又試過。華仔都唔想老婆太辛苦，講明努力多兩年，試到五十歲唔成功就算，點知臨尾得咗！」知情者透露。

年屆五十歲高齡佗B，兩公婆為確保冇閃失，行事非常小心。以往湊女親力親為的朱麗倩，自從有了第二胎後，便將大部分責任交俾劉華代勞。曾經講過怕惹混亂，所以從來不敢湊Hanna返學的劉華，為讓老婆可以專心安胎，亦破例出動，帶個女返學。早前，劉華在網誌透露：「早上到港，迫不及侍洗澡，帶小孩上學，然後陪家人早飯，重點是可以閒話家常，接著接小孩下課，哄小孩午睡，我也睡了。」

要全心全意陪老婆安胎待產，劉華再一次開「空頭支票」，將紅館個唱無限期押後。下月劉華即將開拍投資的新戲《拆彈專家》，之後便會停工，全天候做「住家男」，湊女陪老婆。「Hanna出世嗰陣，華仔都停咗兩個月冇做任何嘢，今次都一樣，做埋手頭上非做不可慨嘢就乜都唔接。佢之前仲應承咗出年開演唱會，睇怕一定要押後。」知情者說。

轉載請註明來源：今天頭條