河國榮、陳國邦、艾威和曹永廉可話系綠葉界嘅四位大佬。

一出成功嘅劇集，配角發揮嘅威力往往成為關鍵。但系成日做陪襯，一般人又點抵得頸啊？！

呢班默默堅守崗位嘅「綠葉」，系靜靜咁等待發光發熱角色嘅二、三線演員；仲系曾經踏上頂峰、甘心去扶持新人類上位嘅前輩級演員；或系大家連佢嘅名都嗌唔出、但個樣卻好似街坊咁親切嘅特約演員； 喺觀眾嘅腦入邊，仲系留低唔少印象。

陳國邦 低一站主角

陳國邦，無人覺得佢唔好戲，佢嘅演技得到咗行內行外嘅一致認可。佢嘅代表作《大太監》「彭三順」令人難忘，但重返無線十五年，始終都未擔正主角，外界曾經有人話佢會系第二個黎耀祥，可以一躍而上，由綠葉攀上男主角。但三年又三年，現實一直未發生……

陳國邦得到愛妻羅敏莊嘅默默支持，喺演藝之路未曾放棄過。

陳國邦自己都感嘆：「喺呢15年嚟，只希望可以用自己嘅能力換取賞識同埋做主角嘅機會，結果稱讚就攞唔少，機會卻愈見渺茫。好多年前的確有諗過放棄，但15年過去，自以為系度前進緊，但系唔知系咪搞錯了方向，機會，成日喺身邊流走……我唔想見到自己慢慢咁變成一攤死水，變黑髮臭，真系接受唔到。」字句中完全講出做綠葉嘅心理矛盾、掙扎。

陳國邦喺重頭戲《八時入席》擔任第二男主角，睇下佢可唔可以跑出。

河國榮 甘於做配角

今年五十歲嘅佢，喺澳洲長大，當年讀大學，識咗一名香港留學生，初次接觸香港流行音樂就迷上，更選擇隻身闖港，87年加入無線至今，喺娛樂圈中足足廿八年。

百分百外國血統嘅河國榮，喺唔少劇集裡面，做過高級警司，英國高官云云；相信佢個樣無人會感到陌生，但要講得出有乜經典角色，可能連佢自己都講唔出。

要堅持咁多年，唔計較成就，甘願做陪襯，為嘅系理想？為嘅系做主角？河國榮有果句講果句，早知要等廿五、三十年先至會有好嘅機會，一早就Say No喇！

等足廿八年，終於等到一齣電影《死開啲啦》，河國榮孭重飛，好友林家楝任監製，令佢終有發揮嘅機會。「今次電影入邊真系有戲去演，唔少內心戲，好鍾意個角色； 呢啲機會分分鐘要等兩三年先有一次。」真系有咁鍾意演戲，鍾意到凈配角都甘心？佢好肯定咁話 「甘心。」

不過河國榮反映出最現實嘅問題。「做配角、綠葉都好，重點系賺唔到錢，因為一般酬勞九成都俾咗主角，一成先比其他演員，將來可能凈得主角做戲，幸好我有個好好嘅太太，咁多年嚟我賺唔到錢，但繫結婚廿七年佢一直支持我去做自己鍾意嘅演藝事業。」講到有無後悔有醫唔讀走去演戲果陣，河國榮話從未後悔過。「有邊個鬼佬可以喺國慶果陣化大戲妝唱大戲？演過戲，又試過舞台劇？呢啲經歷其他人未必有，辛苦但值得。」

艾威 靜待伯樂重臨

所謂三歲定八十，天生對演戲充滿興趣嘅艾威，細個果陣住喺戲院樓上，喺戲院睇完戲之後，就返屋企模仿做戲，「屋企無觀眾，我唔系表演欲強，我只系享受演戲果一刻。」

78年，艾威參加無線第八期藝員訓練班，同班同學還有湯鎮業、陳敏儀、廖啟智等，自此展開演藝道路，首套劇集《楚留香》飾演官差，其後逾三十載都扮演「綠葉」角色。

「入行果時好多主角年紀開始大，當時我諗『由後生開始浸，應該有機會做主角』，有戲做已經好開心，到後期發現做『綠葉』唔可行，因為滿足感唔大，一，喺演戲上嘅篇幅唔及主角，二，受重視程度、令觀眾深刻程度唔高，三，『綠葉』嘅回報唔高。」

原本心灰意冷準備轉行，但艾威最後仲系選擇留守娛圈等待發圍。

艾威覺得「綠葉」生涯行唔落去，但點解佢仲堅持咗三十年？「無計，因為無得揀，只可以脫離呢個圈，但做所有嘢都要衡量自己有無天分，做演員多活喺幻想世界，做生意要好現實，所以演員唔可以做生意，唯有專心做好一件事（拍劇），只要生存到就OＫ，況且呢行時間過得很快，轉下眼就三十年，而且永遠都會有期望出現。」

曹永廉 太監出頭天

至於近日憑《公公出宮》彈出嘅曹永廉，機會話少話少，話多又似乎同一班老死鄭嘉穎、黎耀祥、郭晉安、蕭正楠、黃智賢等有距離，但眼見身邊一班老死紛紛走紅，只會戥佢哋開心。

而今次曹永廉遇到一個好角色，飾演一個正直又乸型嘅離宮太監大受好評，唔怪得佢大嗌「得米」！

金句王

微信號：jinjuking

文章來源: https://www.twgreatdaily.com/cat99/node982826

轉載請註明來源：今天頭條