恭喜恭喜，又一個TVB花旦結婚啦！現年36歲嘅楊怡同31歲羅仲謙姐弟戀有情人終成眷屬，已經喺英國結咗婚喇！

楊怡同羅仲謙喺22號當日，於英國肯特郡利茲普城堡註冊。楊怡披上低V婚紗，羅仲謙則系一身白馬王子look，見證人分別系楊怡母親，及羅仲謙父親。

謙謙發表愛的宣言：我幫愛人遮風擋雨！

圍村長大嘅羅仲謙，今年8月就32歲，思想傳統，最大心愿就繫結婚生仔，結婚就高高興興擺酒，然後開枝散葉。不過謙謙選擇喺事業搏殺時期結婚，難免令人聯想到是顧及楊怡嘅年紀問題。

一心為羅家添丁嘅楊怡，今年8月就屆37歲，但謙仔就稱從不執著年紀問題，亦從來唔覺得重要:「大家心裏面，你有你嘅答案，但最緊要系我過得到自己。對我哋嚟講，呢個環境舒服就可以。」

楊怡拍完《末代御醫》之後，下月就同TVB約滿，到依家都未動筆續約，似乎離巢心意已決，疊埋心水結婚生B再plan之後演藝事業條路點行。謙謙亦力撐女友嘅決定，並謂：「佢好清楚自己要咩，無論佢點決定，我都支持佢。」

大隻謙自言為人並不浪漫，但其實佢man得嚟真系好錫楊怡。本月初謙謙同陳瀅一齊出席活動時，應大會要求即場為另一半揀禮物，謙謙就為楊怡揀咗把遮：「我幫愛人遮風擋雨。」巧man呀！小編都要學！

《On Call 36小時》譜出戀曲

2012年因為拍《On Call 36小時II》撻著姊弟戀，楊怡同羅仲謙呢pair，由地下情慢慢走上地面，去年12月，兩口子更十指緊扣出席胡杏兒婚宴，大方回應周刊報道指兩人今年三月結婚傳聞，謙謙大玩神秘謂:「要發生就自然就會發生，不過總之如果結婚，唔會好似雜誌所講咁神秘，會通知大家。」而楊怡就暗示唔會搶花球:「對鞋太高，搶唔到，可能派佢去搶，又可能有好多姊妹都需要。」準新娘心意已定喇。

男人的浪漫：羅仲謙Instagram 只follow楊怡1個

越系話自己唔浪漫嘅人，通常先系最浪漫。好似大隻謙羅仲謙咁，笑言求婚都要上網搵橋抄，但出席宣傳活動時又識得揀送遮俾女友，公開講明為女友遮風擋雨。

而另一件好似微不足道，又好似好感動嘅事就系，羅仲謙同楊怡，唔止有開微博，而且亦有開ig。楊怡follow嘅人，就有34個。但羅仲謙follow嘅人，只有一個，果個咪就系羅太楊怡咯！

金句王

微信號：jinjuking

轉載請註明來源：今天頭條