若要人不知除非己莫為！呀姐你打電話罵我地一樣照post！犯法就係犯法！

此人假補習，實質呃錢兼偷野！請廣傳！

我開左呢知POST，個MISS一定唔會只留係北區！各區家長小心！！

徵：幫手既谷友！

事件有點長。

話說前日（3月22）我舅母比這位呀姐打電話白撞，問她係唔係要搵私人補習，話有人介紹佢搵我舅母，仲自稱係「老師」。咁岩我舅母前排又真係同班師奶講開想幫d小朋友搵私補，所以就對個呀姐無咩戒心。

咁就約左呀姐上門去佢屋企試鐘，佢去另一間房費事打擾，後來佢其中一個小朋友同媽媽講，個呀姐根本就唔係教佢野，只係坐係到玩電話由得佢地做功課。

舅母就見唔對路，打電話問過d師奶朋友都話無介紹過個呀姐。佢即刻過去cut鐘啦，個呀姐竟然話要$250一個鐘（個小朋友好似得4-5年級），而家試左一個鐘多少少，收$300，舅母費事煩，啦啦聲比$500叫佢走。點知佢只係找$100，都算啦當跌左。

第二日舅母帶小朋友出去時，發現原本放係屋企既小朋友八達通，圖書証同d重要証件唔見哂！搵哂成間屋都無，好明顯係個呀姐偷左！

舅母已經去左報警！佢有好多張太空卡，我地憑電話號碼捉唔到佢！如果有住上水既谷友，希望可以幫手！佢經常係上水各間補習社門口徘徊，週圍問家長要唔要搵私補！

我的舅母唔多識用電腦，所以搵左我幫手放上黎。

希望其他谷友可以幫手share出去！提防佢週圍呃人錢/偷野！萬分感激！！

以下係個呀姐既容貌！

==============================================

假老師呃元朗家長補習費 女騙徒落網

【on.cc東網專訊】 繼假扮內地執法部門、速遞公司呃錢後，「變種」電話騙案今次針對家長緊張子女學業的心態，意圖呃補習、補課費用，騙徒更現身為學生補習索取酬勞。元朗區有初小家長本周四(14日)接獲多個騙徒來電，訛稱是其子女就讀學校的老師，可上門為學生補習，騙徒在補習後向家長索取千多元至數千元費用，有家長拒付款並向校方查證，懷疑受騙及失竊，亦有家長損失千多元。警方指元朗區近日發生至少兩宗類似騙案，一名家長被騙損失千多元，另一家長損失現金及手機，區內多間學校發出通告提醒家長提高警覺，警方今日(16日)在朗屏邨拘捕一名32歲疑與案有關女子調查。

一名接獲騙徒電話的家長，其子女就讀元朗商會小學，該校校長黎玉朝接受東網查詢時表示，昨日(15日)早上接獲該家長查詢，指在周四有一名女子來電，聲稱是元朗商會小學的老師，說她子女的學習有待改善，可上門為其補習，該家長不虞有詐，該女子其後確實有現身提供補習服務，之後卻「獅子開大口」要求數千元酬勞，家長覺得可疑拒絕付款。

黎校長向校內老師查證後，相信是有人冒認該校老師行騙，建議家長報警，家長同日向元朗警署報案。黎校長指，據他了解此案並非單一事件，有其他元朗區小學的家長亦接過類似行騙電話，由於事態嚴重，校方隨即向家長發出通告，指老師雖然關心學生學習情況，但不會私下為學生補習，亦不會收費，如有人自稱該校老師並要求上門，家長應向學校查證。黎校長希望騙徒有改過自新的機會，重返正途。

元朗區另一所小學亦向家長發出通告，指學校接獲警方通知，近日元朗區發生多宗電話騙案，騙徒深明家長著緊子女學業的心態，訛稱是該學校老師，聲稱其子女的學業欠佳，著家長付款支付子女的補課費用。學校澄清不會舉辦收費的補課活動，亦提醒教導子女不可將自己的姓名或家人的聯絡電話告知陌生人，以免騙徒有機可乘。

警方發言人表示，元朗警署於本周四接獲一名男子報案，指一名女子訛稱其女兒學校的教師，前往他位於朗屏邨的住所為其女兒補習，並收取1500元。報案人懷疑受騙，案件列「以欺騙手段取得金錢利益」。

另外，元朗警署於昨日接獲一名女子報案，指一名女子訛稱其兒子學校的教師，前往她位於朗屏邨的住所為她兒子補習，報案人其後發現現金及手提電話等總值約3600元的財物被偷去，案件列「盜竊」。

元朗警區人員今日在朗屏邨拘捕一名涉嫌與案件有關的32歲姓劉女子，案件交由元朗警區刑事調查隊第一隊跟進調查。警方呼籲市民如遇到同類事件，可向警方舉報。

元朗商會小學發出通告，提醒家長慎防受騙。(朱先儒攝)

元朗商會小學校長黎玉朝指，有騙徒訛稱是學校的老師，可上門為學生補習。(朱先儒攝)

萬太(小二家長)：「知道有同學家長接到電話，自己都會小心啲。」(朱先儒攝)

趙同學(弟弟就讀小三)：「同媽咪都睇咗通告，會提高警覺。」(朱先儒攝)

相關新聞 :

文章來源: https://www.twgreatdaily.com/cat99/node982381

轉載請註明來源：今天頭條