作為家長，緊張小朋友嘅學業，或者小朋友嘅校園生活，係好正常嘅；

不過，小朋友喺學校嘅一舉一動，隨時牽動家長情緒，而隨住社交網網嘅流行，分分鐘會喺網上「盡訴心中情」。

好似今日（3月22日），一名聲稱係家長嘅網民，因為 自己個女不獲老師派復活蛋，而選擇喺個人facebook度撰文鬧爆嗰位老師，

「樂華邨xx小學xx班主任你玩乜x嘢，今日派復活蛋，xx竟然是4個無份 的其中一個，我女算曳咩，上堂玩文具，上一堂將視藝用品錯帶（帶）回家，

今日無帶返學，搞到上堂坐咗係（喺）道（度），咁9歲小朋友就要用咁傷心霊嘅手法 對待，你讀屎片畢業架，咩叫做乖番會比（俾）番雙份比（俾）佢，心已傷，

比（俾）千萬都唔希罕，咁嘅老師，你早D收x啦，我今晚還要安撫我的寳貝，xx， 加油，下學期再努力，要叻比（俾）佢睇，但你叻是靠自己，和佢無關的」。

而呢位家長嘅朋友，就喺佢fb留言力撐，「唔好咁慶（㷫）！同老 師講。其實仲有三個不幸者，都一樣唔開心，小朋友會記足一世」、

「應該投訴，造成陰影」、「係（喺）學校投訴，作用不太大，但搞大後，對孩子可能要求達標 更高，現在真心教導的老師極少」。

而事主亦有留言回應朋友，「已向副校長反映」、

「已經算投訴，假期後睇下（嚇）佢點解釋（釋）」。

喺事 主嘅fb，朋友就留言力撐佢應該投訴；不過呢位家長嘅撰文，其後喺其他fb群組流傳，

其他網友嘅留言又唔係咁睇喎，「怪獸無處不在！」、「登（戥）個小朋 友慘，有個禁（咁）嘅老x」、

「公主病父母」、「子女錫係應該，但係教唔教就係要睇家長，家長唔教就等老師教，冇派復活蛋好大件事咩？不如教下（嚇）你個 女反醒一下啦」、

「咁x小事投訴到去校長到（度）？」、

「不知所謂，現今甘（咁）多高分低能咪係你呢D父母寵出黎（嚟）。做錯野（嘢）唔洗（使）罰，因為 會心痛，咩道理？

就正如你依家講錯野（嘢），一樣要比（俾）人圍，無人會心痛你一樣，錯就要認，打就要企定是常識吧？

如果你尼（呢）個post係出係 （喺）怪獸媽媽group，可能好多人撐你，不過好可惜尼（呢）度唔係。

好好檢討下（嚇）啦，甘（咁）多人話你，連反省都識，點教小朋友？」

轉載請註明來源：今天頭條