1982年出生的Ali今年33歲，除咗樣貌娟秀、笑容甜美，仲散發出一種獨特氣質… 無錯，就係仙氣！大家睇《學是學非》時，可以見到Ali具備一種少女(同佢年紀不成正比)的傻氣；但在劇集中又可以展露成熟女性的嫵媚，令觀眾喜愛有加。同另一位小花，拍劇唔多的Ali明顯地極有觀眾緣！

Ali 2008年起在有線電視擔任節目主持，當時仲係用自己本名李嘉馨，不過默默耕耘多年，發展依然平平。雖然未有代表作、名氣未算大，不過Ali都憑住標緻面孔成功吸納唔少支持者！

去到2012年，Ali由有線轉投無綫旗下，13年時與黃心穎、梁嘉琪等人主持《學是學非》，節目大受歡迎下幾位「是非精」成功入屋，Ali亦從此廣為觀眾認識。不過講到Ali最引人注目的演出，就一定係《名門暗戰》！

雖然Ali在螢幕上做狐狸精入型入格，不過現身中的她就完全係相反，入行多年不過緋聞少到幾乎冇咩人知。其中一個係TVB小生黃子恆，兩人曾經被影到撐檯腳食飯，不過之後都只係由男方送Ali返屋企，冇其他下場，非常守規矩！

但係小編含淚同大家講，其實Ali依家都有拍拖… 但佢貴為當家花旦，男朋友並唔係咩大明星或者富二代，而係now《山步行》主持陳炳銓！據知兩人因為行山而撻著，絕對係一對健康情侶。作為上位小花，有唔少人會對戀情極避忌，驚死俾人影到。不過Ali早前就曾被影到同陳炳銓大方拍拖，拖手錫錫一樣照做，絕對睇到佢上位之餘又唔離地！

如何可以不愛她……

近日，新地狗仔隊影到女神離開柴灣公屋。

去片!

轉載請註明來源：今天頭條