從上年6月TVB開始重播《大時代》，之後每晚深夜12點3呢個時段，接連重播咗唔少經典劇，又《他來至江湖》又《誓不低頭》又《男親女愛》～咁仲有邊神劇TVB會重播，有無小編以下介紹呢啲超好睇嘅劇集呢？

1.《隔世追兇》

嚴格嚟講，呢系一套穿越劇，但唔系成個人穿越，而系用電話穿越！郭晉安用電話同20年前嘅爸爸許紹雄通話破案，結局郭晉安仲改變未來，雖然同好萊塢電影《隔世救未來》用咗同一橋段，但劇情仲系令人驚嘆，系TVB少見嘅高質量科幻電視劇。

2.《天涯俠醫》

想當年有消息話張家輝重回TVB拍《天與地》，你知唔知我high咗幾耐？最後又down咗幾耐？《天涯俠醫》最大看點就系有張家輝，但攝製組為求逼真，專程前往東非肯亞同廣西拍攝外景，又系另一大看點，好似好耐都無咁認真嘅電視製作喇。

3.《金裝四大才子》

張家輝嘅另一套TVB作品，另外加上歐陽震華、林家棟、魏駿傑組成嘅四大才子，陣容星光熠熠！而且有張家輝老婆關詠荷做秋香，好少見嘅情侶檔演出。（而當時二人仲未結婚）

4.《陀槍師姐1-3》

雖然明顯借鏡《皇家雙妹嘜》（連外形都似，又系一個長發一個短髮），但系三元同娥姐呢對角色就做出咗另一種味道！再加上歐陽震華盡顯搞笑本色，令呢部劇生色不少，而且當年嘅滕麗名同關詠荷都好青春（傻仔魏駿傑，依家一定好後悔），部劇一出反應超好，拍完續集再續集，三度添食。

5.《美味天王》

講起歐陽震華加關詠荷呢個組合，一定要提《美味天王》，至經典就系主題曲肥姐第一句「好嘢嚟啦！」而且劇中仲有未紅仲系黑麻麻嘅古天樂、女神張可頤、宣萱，就連張達明都有客串幾集，加上浮誇搞嘢嘅劇情，真系好盞鬼！但依家已經再睇唔到同類嘅作品喇。

6.《賭場風雲》

呢套劇系TVB 39周年台慶劇，由歐陽震華同三哥苗僑偉主演，少有講「賭」嘅電視劇，歐陽震華就憑呢部劇入圍咗第35屆國際艾美獎最佳男主角角逐，而且三哥苗僑偉劇中用力過猛嘅表現真系好鳩搞笑……「你今日贏嘅機會系零呀！哈～～～～ 哈！哈！哈！哈！嘩！四－條－A－呀－！哈！哈！哈！」

7.《鐵血保鏢》

鐵血保鏢喺唔少人眼中都系一套神劇，更加為監製李添勝確定咗之後《巾幗梟雄》、《碧血鹽梟》、《鐵馬尋橋》、《巾幗梟雄之義海豪情》嘅風格，而且口碑都唔錯。值得一提嘅系馬浚偉喺劇中肉緊嘅演技同黎耀祥生活化嘅演技對比，好過癮。

8.《先生貴性》

陳慧珊喺TVB實在有太多好劇，《先生貴性》中同羅嘉良發生一段人鬼情未了，羅嘉良扮女人已經唔系單純搞笑咁簡單，實在鬼咁神似，而依家TVB男扮女裝都變咗低俗趣味！雖然結局故弄玄虛，但又不失味道。

9.《難兄難弟》

其實一見到有吳鎮宇扮四哥，羅嘉良扮呂奇，張可頤扮寶珠姐，宣萱扮蕭芳芳都已經好想笑，再加「人情人情如做戲 有真心假意地」，快啲重播就真！！！

10.《流金歲月》

又一套羅嘉良嘅電視劇，佢因為你套劇破紀錄三次奪得視帝。仲記唔記得胡杏兒同陳國邦扮輕度弱智啊？仲記唔記得主題曲《歲月的童話》前奏啲口哨聲啊?「仍然能搭著膊在照相……」

睇完，系咪好想即刻重溫返呢啲神劇呢？

金句王

微信號：jinjuking

轉載請註明來源：今天頭條