方力申同Stephy相愛10年，今日卻因了解而分開，真係令唔少人O嘴。

今日最轟動香港娛樂圈嘅事，一定係拍拖10年，屢傳婚訊嘅方力申同Stephy(鄧麗欣)突然宣布分手，結束10年的愛情長跑。

二人首次成為螢幕情侶係03年合唱〈好心好報〉。(螢幕截圖)

呢個結婚畫面，往後只可在電影中先睇得到了。(螢幕截圖)

03年，小方同Stephy因為合唱情歌〈好心好報〉而爆紅，之後正式以情侶檔姿態不斷合作搵銀，合唱過〈十分愛〉、〈好好戀愛〉、〈我的最愛〉、〈七年〉及〈同屋主〉等大家耳熟能詳嘅K歌，期間二人亦多次與導演葉念琛合作，演出多部愛情電影，有《獨家試愛》、《十分愛》、《我的最愛》及紀念拍攝《獨家試愛》十週年所拍嘅《紀念日》，頭4部均由葉念深、方力申同Stephy合作嘅愛情電影更被稱為三人的《愛情四部曲》，特別係8、90後嘅朋友一定唔會唔記得佢哋喺電影中演出，部份電影對白更成唔少情侶溝通上的金句。而二人更因為喺06年合作拍《獨家試愛》而正式撻著，計落真係足足有10年時間。

去年年尾上畫的電影《紀念日》唔知會唔會係二人最後一次合作。(螢幕截圖)

在2012年，方力申同Stephy被傳媒發現秘遊歐洲。

傳出戀情後，二人並無因此避忌，反而經常以情侶檔姿態合作，直至10年11月，二人被發現同往馬爾地夫旅遊，情侶關係被正式確認。而近年，二人亦多次甜蜜出席公開活動，大方承認情侶關係，更加屢傳婚訊，上星期先剛傳二人因為小方父親病重要做手術，為沖喜而計劃結婚，不過不足一星期，二人突然透過經理人公司太陽娛樂發出分手聲明，不論娛圈內外都相當震驚。

瓊姐都有感而發，喺佢fb專頁打咗段名為「有一種愛情叫方力申鄧麗欣」的文章。(網上圖片)

二人的電影及歌曲陪伴過不少年輕人成長，簡直係8、90後青春印記。就連一向非常關心香港娛樂圈嘅網絡紅人「高登天后瓊姐」今日都喺佢嘅fb專頁好感慨咁打咗段名為「有一種愛情叫方力申鄧麗欣」的文章，將二人的感情經歷套用喺現代愛情路上，仲話現實未必有童話，但就一定有鄧麗欣同方力申，叫大家唔好放棄。

文章來源: https://www.twgreatdaily.com/cat99/node965227

轉載請註明來源：今天頭條