有巴打突然開po話將工作職位名稱重新包裝，就會更易識女仔。(網上圖片)

唔怕生壞命，最怕改壞名，唔係講緊你同我個名，係講工作職位名稱啊!大家幻想一下，如果只係做緊一個保安嘅你職位名稱叫「特種防護警衛」，當你派卡片時，都突然會充滿自信，而收到卡片的對方都會用上一個好似發現另一個太陽的表情回應你時，唔好講話做嘢都醒神咗，連識女仔都倍添自信喇。

妓女改名後叫性愛調解員。(網上圖片)

以上嘅嘢可能只係終極FF，不過最近真係有高登巴絲開PO討論將工作職位名稱重新包裝，仲話咁做可以更易識到女仔喎。現有嘅各項職業名稱如豬肉佬、司機、看更、苦力同地盤工人等等，真係好難會有女性欣賞，但大家睇一睇經巴打們包裝後嘅上述職業會唔會突破大家嘅盲腸。

咕喱:健力運動員

保安:特種防護警衛

掃街:美化環境大使

地盤工人:建築工程管理學士

跟車:物流管理一級行程人員

豬肉佬:高級肉類分割員

看更:物業管理員

司機:物流運輸員

保險sales:理財顧問

地盤雜工：一級建造工程助理

揸車立阿姐：工程物料調度員

地盤隻小黃：地盤監察督導(安全)

抹玻璃:企業透明度專責小組

妓女:性愛調解員

燒焊:鋼之鍊金術士(師?)

奴隸:香港精神代表員

IT仔:資訊科技工程師

地盤隻小黃都有朵，叫地盤監察督導(安全)。(網上圖片)

睇完呢啲名各位係咪笑到冇曬力呢，最重要係改完名大家自信心都即刻番曬嚟，工作自然會更起勁啦，腦細們下次請人時不妨改改職位名啦。

轉載請註明來源：今天頭條