阿媽一向重男輕女，咁多年來全部心機放曬喺阿哥度，

指意將來阿哥照顧佢。可惜阿哥生意失 敗，個老婆又唔肯返工，

日日喺屋企上網，阿哥份糧交租都無咗一半，而家連家用都無俾。

我為咗令阿爸阿媽安心d，雖然已經嫁咗出去，但家用越俾越多，

一見有 咩傢私電器壞就即刻幫佢地換，等佢地覺得有個依靠。呢d全部我自己俾錢，

都唔敢俾99知。點知阿媽唔心足，一直心疼阿哥，怕佢如果買樓就無銭生仔，

所 以......竟然叫我老公俾錢買咗阿媽住緊嗰層樓，佢叫我地俾住一百萬先，

咁佢就可以將d錢借俾阿哥買樓做首期。而阿媽住緊層樓，當然繼續係阿爸阿媽住 啦。

我聽到之後極之心灰意冷，我同老公何來有一百萬？如果有我自己都買樓啦，

仲洗租新界屋住咁遠？就算有，咪即係叫我老公幫阿哥俾首期？我地都無錢唔敢 生，份工辛苦到我入廠都唔敢亂轉工，佢有無諗過我？有無諗過外家點睇我？

轉載請註明來源：今天頭條