同鄭嘉穎熱戀中的陳凱琳(Grace)早前出發往溫哥華，日前某討論區就有網友出post指自然同Grace坐同一班機，發現原來Grace搭飛機搭得非常高調，話佢坐經濟客位之餘，仲要系非常當眼的位置，所以人人去洗手間都會經過見到佢。然後Grace同助手勁大聲講嘢，好似驚死人唔知佢喺度咁。而最重要嗰句就系，網友話佢大聲到全機人都聽到佢講緊「Grace 黃君X」！(相信系指王君馨)

仲未講完，網友話大家起身落機的時候，Grace反而就企定定喺度擺甫士，而等行李時就喺行李輸送帶行咗好多個圈！可惜就無人留意到佢咁。總之大意就系想講Grace本人原來咁享受高調，好似過度活躍咁！

個post一出，有唔少網友紛紛認同，話見過Grace同鄭嘉穎拍拖拍到勁高調，上節目又做小動作搶鏡，仲話Grace真人真系好瘦好幼。(雖然唔多關事)

大家最緊張當然系想知Grace到底講王君韾啲乜嘢啦！不過心水清的網友就指出陳凱琳本人都叫做Grace，其實會唔會系講緊自己呢？

呢幾位網友就唔覺得Grace有問題，反而覺得佢系真情流露，做返自己；而且Grace本身家境不俗，唔坐頭等坐經濟客位都系平實的表現！

呢兩位網友就替Grace平反，稱喺其他地方都撞過佢，不過佢低調之餘又好有禮貌喎！

呢位網友就突破盲腸，講真有時明星難做，唔笑又俾人話黑面，笑又俾人話博出位，不如放鬆啲啦香港人！

同時都有網民分享遇到明星的經過，唔知其他星又系點o架呢？

轉載請註明來源：今天頭條