我有個女仔好友，每次想去旅行或者有咩想去玩有咩想食都會第一時間諗起佢，今年去旅行大計當然都非佢莫屬。
話說今年又計劃11月去旅行啦，大家又可以草多啲錢，玩豪啲呀！我知佢中意陽光海灘玩水睇景，麻麻地shopping,咁一開始大家講好去沖繩，我就開始 睇沖繩野搵資料啦。。
點知佢話諗諗下對沖繩真係無咩興趣，天氣涼玩唔倒水，咁我就提議峇里島，佢即刻話好，最中意東南亞旅行，一年四季都岩玩，食住都平又 有渡假feel,咁我見佢ok,咁我就算勁怕熱，都無所謂，我即plan!
點知過一排，佢又同我講，諗諗下依家IS好恐怖，東南亞國家唔安全，都係去第度玩…okok~明白，的確係有風險，我就直接問佢咁其實你想去邊玩姐，佢話 佢有選擇困難，叫我簡，咁我醒起佢年頭去完韓國，話想再去多次，我就提議韓國啦，佢又拍掌叫好，韓國真係好正。。。我同佢講，拿，日期地點都唔再轉 啦，firm啦要～好啦，咁我今次醒水唔睇package野住，我驚佢又有新主意，點知真係比我講中，一星期後佢話想去埋濟州，好～濟州我都得，加 plan濟州～
正當我諗住終於有結論啦，可以放心做research,酒店機票睇好曬啦，準備買啦，佢依家又同我講，佢心鬱郁想轉工，如無意外5月左右就轉，所以想將旅行提前到5月…我就話啦，突然提前咁多,草唔切錢呀…佢就話，一齊轉工囉，反正你都想轉…
問題唔係轉唔轉工，你係又要改期，講好左又改…
另外一樣野，係我本身做寫字樓，朝9晚6，我想做返寫字樓，你叫我轉唔係問題，但你叫我轉輪班既sales，都完全唔係嗰回事…
唉…咁既情況，叫我情何以堪呀…去個旅行姐，都咁難…
轉載請註明來源：今天頭條