「早知冇飯食，我就約Friend啦……」、「早知佢冧我，我就表白啦……」、「早知會落雨，我就帶遮啦……」

雖然好多人都咬牙切齒話自己人生過得無悔，但心底里，真系完全冇「早知點點點，我就點點點」呢句對白出現過？

好多嘢，我哋說不上感到後悔，但如果可以早一步知道，咁就更加好。問問心，你覺得直到呢一刻為止，自己慨人生過成點？有冇一刻有過「早知」慨念頭？有冇咩嘢，你覺得年少時早啲知道就更好呢？

投資家、編程人員、作者，同時亦系企業家慨James Altucher就寫咗一篇文，關於佢22歲時就希望知道慨事情，而以下呢篇文章，就系想俾一眾年輕人慨一點點忠告。

大概講下啦，雖然小編慨英文好麻麻，文章裡面，James同大家講，22歲後，會有遇到好多開心同唔開心慨事，面對種種挑戰，要點先可以變成一個處事冷靜又不失開朗慨大人呢？重點有3個︰

1. 開發個人潛能

2. 同身邊慨人建立良好關係

3. 儘可能令自己心態更「自由」

好，其實頭1、2點都唔系James想同大家講慨重點，佢主要想講慨，系第3點——令自己更「自由」！

呢度講慨，唔系話想做乜就做乜，想去邊就去邊，而系一種類似豁達慨心態。就咁講好似好難明，但細心諗，你有錢時，就會怕冇咗啲錢；你有良好關係時，就會怕關係被破壞。再具體啲咁講，面對自己重視或者敬重慨人，佢每句說話都會左右你慨心情︰當佢稱讚你，你會覺得開心；當佢責備你，你會覺得唔開心，彷佛自己慨心完全被外物同外人所操控咁，而自己就一啲主導權都冇，呢種心態上慨自由，系你去幾多旅行都補唔返。

所以James好堅持，任何情況下都唔好俾權力別人或事物去操控自己內心，咁先可以得到真正慨自由。點解James咁強調「自由」兩字？因為只有對任何事都睇得開，先唔會被身邊各種好壞慨事情影響你人生。

James喺文中叫大家試諗下，假設你對現狀非常不滿，你唔鍾意你另一半、做所有事情都失敗、害怕作出任何嘗試，但當你撇除呢啲唔好慨事，你人生會剩低咩嘢？就系剩低你自己。你冇變到，都系你自己，只系你再冇呢啲負面想法。唔系要你去忘記你所面對慨事，而系要你放下，唔再被糾纏，因為每日都系新慨一天，你永遠無法預測明天會有咩事發生，所以只需要認清今時今日慨自己，自己系點慨人，自己想點，唔好再被過去束縛自己。

雖然大家心入面會諗，邊有咁易拋棄過去，你今時今日得到慨技能，都系過去所學；你認識慨人，都系過去遇見；你將大量時間都分配俾過去慨ABCD事上，冇得聽James所講，話豁達就豁達。啱吖！所以James唔系要22歲慨年輕人聽佢講，照聽照做，同機器人有咩分別呢？重點系要從生活中去學習，面對令你Confused慨事時，諗諗James慨說話，學習點去成為大人。

轉載請註明來源：今天頭條