最近有位港女不滿好朋友同一名「垃圾」結婚，所以直接同另一好朋友講自己嘅睇法，點知被呢位好朋友話佢「bitch」。(網上圖片

如果身邊有好朋友結婚，理應係祝福對方先啱，但最近有人就不忿好朋友同一名「垃圾」結婚，所以直接同好朋友講自己嘅睇法，點知畀好朋友話佢「bitch」(八婆)，佢就相當不滿，所以就上討論區大呻。

開po嘅係一名絲打，佢話佢早2晚同朋友A食飯時，得知另一朋友B將會結婚，仲將會派貼畀佢哋添。但呢位嫂打一聽到朋友A講話朋友B將會結婚，就非常不滿啦，因為佢認為朋友B嘅男朋友冇樣兼冇錢:「我聽完真係O曬嘴，阿B條仔個樣好似阿Bob，冇錯！係光頭阿Bob，勁肉酸！重要佢冇阿Bob 咁有錢，只係一個水電工(我都唔知水定電，定兩樣都係)，呢啲真係唔知佢搵到幾多錢，有冇一萬銀呢？」

其實絲打話自己喺之前聚會時見朋友B時，佢已經透露想結婚:「之前聚會見過阿B，都聽過佢話plan結婚，估唔到佢係認真！阿B當時重好自豪話將來屋企有咩壞可以搵條仔整，慳唔少...我心諗佢真係痴線架(O架)，整呢啲花得幾多錢丫(呀)，不如搵條有錢啲嘅好過啦！」

大家睇到啦，朋友B真係好想同好姊妹分享自己嘅喜悅，但絲打係咁諗:「我都唔明佢自豪啲乜，老公係水電工喎，咁低下嘅職業有咩值得自豪，到擺酒嗰日都唔慌會有幾大場面啦，著(著)起龍袍唔似太子，唔明佢做咩要擺酒出醜人前？」

絲打跟住就同朋友A講佢對朋友B嘅睇法，點知就被朋友A話佢「bitch」啦:「我同阿A講我嘅睇法，同埋講明唔打算去飲啦，我唔想親眼見個fr(朋友)行呢條黑路，真係好心酸，因為阿b都幾靚女，大家都係女人，真係覺得佢好傻！點知講完，阿A無啦啦話：『其實你都幾bitch，你講呢啲嘢好難聽。』」

佢跟住就話當B係朋友，唔想B嫁畀呢位水電工、又唔靚仔嘅「垃圾」，先講毛!嘅意見出嚟，點知就畀人話係「bXtXh」，所以上網開po大呻囉，最後佢咁講:「我係當阿B係fr(朋友)，先講呢啲啫，唔當佢係fr(朋友)嘅，佢嫁咩垃圾都唔關我事啦！如果講忠言，有惻隱之心都叫bitch，咁我認囉！我係bitch都好過啲人望住個fr(朋友)嫁垃圾重笑笑口去飲，諗起都心寒！」

好多網友睇完，都一致怒插絲打口賤同八婆等，其實網友們插得不冇道理，因為愛情係兩個人嘅事，第三者唔應該插手嘅。

睇完成個PO，大家覺得邊個先係bitch呢?(網上圖片)

轉載請註明來源：今天頭條