巴打第一次帶女朋友同家人飲茶，女友唔主動斟茶之外，仲無視對方父母。（網上圖

唔少男士最看重嘅擇偶條件就係「孝順」，老婆喺屋企做老虎乸冇問題，最緊要對住老爺奶奶要夠溫柔體貼。不過呢兩日又有港女女友出事喇！有巴打喺討論區開po問：「女人係咪連基本禮貌都要教？」

點解咁大怨氣？樓主憶述上星期第一次帶女朋友同家人飲茶：「開頭（女友）都有叫人，但係洗完碗之後，斟茶淨係斟俾自己，完全無視我阿爸阿媽……叫佢幫手嗌點心，又無問佢哋要啲乜，就將點心紙拎咗出去落單。」樓主以為女朋友咁叻女，知道兩老鍾意食乜，結果點心到齊之後發現只得幾籠，原來女友只係叫咗自己鍾意食嘅點心。巴打當場被女友激死啦，仲問網友可以點樣幫女友加分？

網民幾乎一面倒鬧爆女友，指佢「唔識大體」、「明落男友面子」，仲話加分都冇用。其實唔理對方係邊個，對長輩要有禮貌，細細個睇教科書都有教啦，係咪？

女友亦只係叫咗自己鍾意食嘅點心，令巴打覺得佢好無禮貌。（網上圖片）

有人話冇家教，以後仲煩。（網上圖片）

亦有人話女友唔識大體，失禮男友。（網上圖片）

轉載請註明來源：今天頭條