男人除咗高大靚仔會吸引到人外，有自信都會係吸引異性的關鍵，但如果過份有自信，就唔知係好事定壞事啦。

近排喺討論區出現一位自信巴打，佢每一句言詞都有意無意地透露佢好有自信，條件仲非常好:「明明做暑期工，隔離鋪d(啲) aunties 會讚我靚仔，平時搭車都會有男女望，曾經試過搭地鐵有女仔望住我笑，比我發現後，又繼續偷望我。又試過成廂地鐵冇咩人，但有兩個女仔（年齡差不多）企我隔離，貼近我企咁滯，時間大約十分鐘。」嘩，巴打睇嚟真係好受異性歡迎喎。

點止港鐵車廂咁簡單，喺學校佢一樣好受歡迎的:「但係(喺)中學時，曾經追一個女仔，但最後失望而回，原因係佢對男仔冇興趣。但佢又會不停偷望我？又曾經試過同一個好靚女同學曖昧，上堂時佢成日偷懶望我，我glass(眼鏡) 欄(爛)左(咗)，但佢竟然肯送佢ge(嘅) con(隱形眼鏡) 比(俾)我。」

仲有呀仲有呀，考DSE嘅時候，巴打嘅出現都令到好多女同學分心:「到之前出去考dse時去點眀(名)，個個同學都望住我。」巴打真係好鬼受歡迎，所以佢就問大家:「想問下點解成日有人望住我？但我18歲仔一次拖都未拍過......」咁受異性歡迎都未拍過拖?大家睇嚇巴打本身具備咩條件先:「我5官就眼大，眉粗，鼻高，面尖，身高184，但偏瘦。」咁嘅條件，真係同吳彥祖比有過之而無不及喎，唔怪得周街都有人望你啦，不過佢就同大家講明，自己不會網上交友:「講明先，不要pm我，我不會網上交友。」

不過最重要係，圖呢?冇圖冇真相，證明唔到巴打有幾靚仔，但巴打係唔係毛戀，大家就睇得出啦。

近排喺討論區就出現一位自信巴打，佢每一句言詞都有意無意地透露畀佢知，佢好有自信，條件仲非常好，成個男神BB咁。(網上圖片)

大家睇嚇，呢位巴打真係好受歡迎的。(網上圖片)

呢位巴打條件好似仲好過吳彥祖，不過，圖呢?(網上圖片)

轉載請註明來源：今天頭條