最後一回

冇諗過有咁多人回

你話我吹水又好,講大話又好,其實討論區d野睇完咪當星爺d戲一樣ㅡ得淡笑

我本身好遲拍拖24歲過左澳洲識左佢先發展,佢係我第一個又係最後一個,我宜家剛剛30

有板友問d性生活問題,我真係唔識答

但touch wood好似宜家都ok

但我可以好大膽咁講

韓女俾我感覺係咁愛咁恨

有時行行街突然講波波,解作kissing,跟住想起條街車,我都唔知好嬲定好笑

佢唔鐘意一定大聲嘈你同落你面佢生完bb話我唔識照顧佢,我男人老狗咁大個人真係喊左出聲同埋我真係好多謝板友嘅祝福

文化差異係大問題,但係可以解決

至於相,我當然知道冇相冇真相,但黎緊我地一家人會去香港,我真係費事攪咁多野

至於我講埋點追佢,都係用幾餐飯同冇送過貴重物品,可能當時人在他鄉異地戀就培養出來

睇下有冇機會貼bb相

有冇想知下婚後生活係點

同佢一齊五年到，係澳州舊年結婚仲生埋個女

宜家係韓國旅行係外家住兩個禮拜

總結韓女都算好體貼對方

1. 韓女鐘意cooking 但我唔太like Korean food 太重口味,佢鐘意食kimchi同Korean Side dishes,帶佢出街食,成日彈多味精

2. 有時候會幫我擦背同沖涼，去過韓國都知，佢地好鐘意sauna 同spa，好識嘆世界,每次spa都用老泥布刷身

3 好講儀容成曰照 mirror 同成日幫我 fu mask 同 有時幫我喳倉

4. 有時見我返工好累會幫我按摩，專長按背,都幾識做人

5. 佢身形算大件165cm高65kg ， 平時都食得多,我都係大件型,佢時肥時瘦,最瘦係大學得50kg

6. 一家人去個韓國兩次,佢地屋企人好like 個孫女同好客氣,唔會問長問短我搵幾錢同人工

7. 佢地好孝訓,雖然佢地講野大聲,但我知佢地一家人真係好團結,唔似香港地金錢大過親情,親情紙咁簿

8. 我自問唔靚仔,佢都包容我仲同我生埋女,我都好好感恩

缺點如下

1.佢地真系餐餐都食韓國野,帶佢食荼餐廳,話香港野好肥利，唔食，飲食方面有分別

2.同一樣野會哦你好耐,我同佢係澳洲住，佢地都有坐月習慣，啱啱佢生完我請唔到假期，照顧晤到佢,跟住話身子弱，我做晤到丈夫責任，佢就用呢點去攻擊我

3.同埋佢地閙人好叻，絕對唔係溫柔，我發現佢地對住父母都係咁,但係學發哥講句我大聲唔代表冇禮貌

4.係韓國同佢房企人住,每次都放十幾樣side dishes.食到個胃好唔適服,佢地好鐘意質人食野

回問題

溝通冇問題用英文，原因我唔識韓文同係澳洲生活

我冇俾禮金，但結婚時佢成家過黎澳洲玩，我都使左好多錢,我都冇收佢父母錢

囡囡幾cute 其實韓女有d係natural beauty唔大整都ok

至於性生活佢係我第一個女人我冇得比較，但佢係大食型尤其係產後

同埋佢地好憎日本好愛國成日話日本仔搶獨島，佢好痛恨日本人話日本人侵犯佢地領土

再update一下

其實我都好多缺點,我自己係個好lazy ge人，有時出街拖鞋求其著,佢會睇唔慣幫我整理下再出街

記得第二次去韓國,佢帶我去佢呀嫲個墳拜祭,我用濕布幫佢呀嫲擦個車頭相，佢地好感動，佢呀嫲係北韓人，埋葬係南韓同北韓邊境，我坐車時都有d驚

佢全名叫金美x，佢話高中時漢語係必修課，基本上佢地唔憎中國,但對日本反感,當然佢有講大陸有品質問題同佢地偷渡到韓國,好似我地香港人有時串大陸人

我唔係show off其實志在分享

轉載請註明來源：今天頭條