離婚率屢創新高，在美國離婚率已經超過50%，即係話你結婚，就預咗有一半機會離婚，都咪話唔驚，難怪驚結婚而唔結嘅朋友愈來愈多。與其問夫妻們如何維持一段良好關係，美國米切根大學反其道而行，反而向373對已離婚的夫婦，問問佢地對結婚有咩建議可以避免走佢哋嘅後塵。

時刻發放正能量

除咗負能量會影響另一半之外，一定要無時無刻發放正能量及表現出自己有幾愛對方，例如閒來無事講一聲「愛你」，拖手、錫錫、擁抱等都不可少。

講錢

雖然話講錢失感情，不過夫妻之間一定要互相遷就，因為各人對錢嘅觀念、用錢嘅方法都會唔同，如果唔就住用錢嚟溝通，一定會不停鬧交。

拋棄過去

呢度包括，忘記你另一半嘅前度故事，同樣自己過往嘅事如果唔放低，亦會影響到雙方感情，如果真係let go唔到憤怒、後悔、自責等負面感情，不妨同朋友傾傾，舒發有助忘記。

只怪他人

根據統計，65%離婚人士都會怪責前妻／夫，一段關係中任何問題只怪另一半，寬己律人，睇唔到自身問題。習慣一下，多啲講「我哋」而唔係「我」。

唔好收埋自己

鬧交時一定要講出自己的建議，多聽多講，溝通指嘅係雙方都要開放自己。專家建議每日用10分鐘傾計，不限題材，有助雙方關係。

轉載請註明來源：今天頭條