台灣新北市政府計畫只要市民比2,400台幣，約港幣$600，即可合法棄養貓狗，預計最遲下個月實施，估計每年可能增加300隻棄養量，

當局話目地係希望減少棄養，等無心飼養嘅人諗清楚先好購買或認養，減少流浪街頭貓狗數量。

但其實呢條橋真令人費解，試問買一隻狗要成萬蚊台幣，佢地真係會因為怕比多2,400台幣而唔買？預期比安心棄養價佢地，點解唔索性提高貓狗賣價？

事實上，全球棄養竉物問題愈來愈嚴重，好似法國係擁有最多寵物同最多棄養竉物嘅歐洲國家，每年有10萬隻貓或狗被拋棄，當中暑假係棄養高峰期。

係當地拋棄寵物係違法，可處以兩年有期徒刑和30,000歐元罰款，但實際上不易找到主人，很少人被定罪。

至於香港今年香港棄養竉物數字相比起2011年急降60%至4千隻，當然未計「非法棄養」，小編身住錦田，周不時係垃圾站搵到一箱箱狗BB，亦有唔少人上高登「放狗」，非法棄養問題仍然嚴重。

棄養原因不外乎：居所唔比養、住屋太細、搬屋、竉物太多，同埋有BB嘅出現，但無論籍口再多，棄養就係棄養，都係始亂終棄，無論合唔合法，有無比錢棄養，都應該過意唔去！

轉載請註明來源：今天頭條