「住公屋比住私樓更好」傻仔先買樓。。

住公屋還是買樓供樓是港人永恆爭拗話題，早前一篇「公屋潮文」道出「屋村仔」被標籤為「貧窮」及「無出息」，不少人都話有共鳴。不過，近日又有另一篇「公屋潮文」同樣引起熱議，但今次主角闡述住公屋才是「皇道」，買樓供樓是「傻仔」。

香港討論區近日有人撰文題為「住公屋比住私樓更好」，內容以第一身講述主角如何月入35,000元，仍選擇居於「石硤尾海景公屋」，享受便宜租金，還有「n個」好處，包括送仔女讀國際學校，反而「朋友」因供樓壓力，生活起居過得辛苦之餘，仔女更只能讀屋村學校，輸在起跑線，有樓階層只是表面風光而已。

文章於討論區發布後短短3日已有超過1,500個回復，有人認為故事主角月入3萬5千元仍選擇入住公屋是浪費資源及自私的行為，公屋應留給有需要的低下階層入住，並指「竟然有人覺得住公屋好威」。

有網民則認為「公屋根本系無敵」，並指每月需要繳交但同時亦有網民指「鹹魚青菜各有所愛」，有些人喜歡「揸樓」、有些人喜歡「揸現金」，只要自己的生活開心，便不用理會別人的眼光。

香討文章：

一個地鐵站內的對話，看誰有本錢去串（寸）

話說琴晚約咗班大學同學喺旺角朗豪酒店食飯聚舊，食飯時有個做同行慨A君不斷講佢上年喺屯門乜乜（龍城花園）買咗個單位，裝修點點點，如何升值點點點！成場變咗佢個talk show咁！

我就無理佢繼續食嘢，跟住好快大家又同一般同學聚會一樣講下舊時啲嘢，好快就十一點，個位做talk show慨A君叫走，咁大家就話A君你層樓升咗咁多，你請啦！

A君突然好認真咁講：「我層樓系升咗，但系一日未賣都系無用㗎，不如大家夾份啦！」既然見佢講得咁認真，我即刻話不如AA制啦！點知一位當年移居美國慨同學就講：「挑，又話升咗幾多幾多，幾千蚊都俾唔起，我請！我系澳洲都系供緊樓，不過供款額只系入息25%，有啲錢剩，我請，唔駛多謝我啦！」

既然有傻佬認頭，我梗系食得唔好嘥啦，即刻講多謝！但系望一望阿A君，個樣好似死老豆咁款，我都費事理佢，因為就系你自己攞嚟衰，吹到自己有幾勁，一嘢畀人KO你！

跟住我同A君都系搭地鐵慨關係，所以一齊行落地鐵站，在途中，A君問左我幾個問題：

A君: 咦，點解你早幾年突然唔做X公司而轉咗去Y公司？嗰間野出左名唔好pay㗎。

我：系呀！就系佢唔好pay先過去。

A君: 點解，你傻㗎？

我：唔系，因為個時X公司份人工啱啱超咗公屋入息上限，見佢又唔會有大幅加人工機會，咪轉過去第二間，平翻幾百，咪排隊上樓囉。

A君：嚇！你無買樓㗎，點得㗎，住公屋，況且我哋個個同事都買咗，系得你唔買，第時無野講喎！

我：點唔得，你同我都有樓住，又唔使瞓街 >>>

有啲人做人真系唔用腦,人做乜佢做乜,永遠唔會諗乜嘢應該做乜嘢唔值得做,只系聽人講就做,抵呢啲人一

轉載請註明來源：今天頭條