我有女朋友,但2年前識左個女仔,佢係我學生(唔係中小學果D),鍾嘉欣咁靚,開頭都冇咩 野,但發覺佢WTSAPPS成日搵我,有咩唔開心都會同我講,我都盡量HEA應佢,之後我發覺開始我對佢有小小FEEL,但我知我唔可能同佢一齊,因為我 女朋友對我好好,仲PLAN緊結婚,所以我都諗住由得佢,廢事做錯野,我亦都唔想冇左個朋友

但有一日就上完堂果陣佢突然攬埋黎喊,仲問我幾時結婚...我先知原來佢鍾意左我好耐,結果我對佢既感覺爆曬出黎,最後把持唔到..我地開始左呢段唔應該開始既關係.....

當然呢D野邊暪得住細心過男人100倍既女人,過一排我女朋友發現左,雖然我同佢講會

同佢一刀兩斷,但男人都係仆街,藕斷絲連,我仲有WTSAPPS聯絡佢,佢生日我都有送野比佢,諗住好天真咁大家可以做返朋友,佢亦都話已經放低左我,但其實我仲未完全放低到佢...

直到有一日我覺得好累,好辛苦,唔想再為左呢段明知唔會結果關係再痛苦落去...我同佢講不如我地算,以後唔好再聯絡,因為我仲同你聯絡會成世都放唔低你之類,但係佢冇應我既說話,我都冇再搵佢....

過左2個月到左我生日果日,我發現我屋企有袋野,佢打電話比我話佢放左份禮物係我屋企門口,結果因為呢份禮物又令到我好掛住佢,我真係犯賤,結果我忍唔住同佢講好掛住佢,

但係佢同我講:其實我一早放低左你,冇留戀架啦...因為你之前係我生日送過禮比我我先回禮比你架JA~唔好諗太多..

我覺得好似比佢玩緊咁...就好嬲咁同佢講叫佢大家以後唔好搵大家啦,唔想你搞到我又對女朋友唔住

可能佢覺得我張責任推曬比佢,佢發曬爛渣咁話 :洗唔洗搞到咁呀,大家得閒聯絡下咪算囉,你都就黎結婚啦,仲想我點呀??牛唔飲水唔禁得牛頭低呀,你女朋友唔開心你都有責任,唔好賴得就賴啦,你要諗多左我冇送禮比你你都會覺得我仲對你有意思啦...

結果我地就咁一拍兩散,反曬面收場.....我唔開心既係,我都同佢講左唔好搵我,等大家忘記大家,但點解無啦啦又要係我生日送野比我,又再了起返我既情感,仲要之後叫我唔好誤會, 仲怪我自己諗多左....但佢對我冇意思既話點解佢又會講:你都就黎結婚啦,仲想我點?

點解佢覺得自己一D問題都冇....

我認我做錯左,我對女朋友唔住...佢亦都原諒左我,我而家雖然有時都會諗起佢,但我都唔會再搵佢...

原來有D野開始左就返唔到轉頭,如果有得再黎過我寧願同佢純粹做好朋友....第3者呢樣野真係好痛苦,我以後唔會再試...

轉載請註明來源：今天頭條