處女懷孕了？

處女真的懷孕了？

係。除非唔係。

處女係鍾嘉欣。

今日有周刊報道指，同伍允龍八年情玩完嘅嘉欣BB，唔聲唔聲，月尾(27號)同前無綫集團主席梁乃鵬嘅姪仔Jeremy結婚。嘉欣BB更被指有咗五個月BB，兩人發展接近一年。婚禮將於溫哥華舉行。同屬處女黨岑麗香任伴娘，嘉欣BB早喺16號已經飛過溫哥華籌備。咁嘉欣BB同Jeremy又點識嘅呢？據周刊報道指，係去年經家姐介紹，男方喺溫哥華開脊醫診所，年薪更高達百萬加幣，即係接近6百萬港幣，大過鍾嘉欣十年，即43歲左右啦。報道又指，兩人發展接近一年，已經入曬屋得到女方家人認同，早幾個月發現有B，依家已經有成5個月。一個禮拜前同陳展鵬登台，條腰粗到已經掩飾唔到了。處女懷孕仲可以火速結婚，原來真係會發生0架。

現年31歲嘅鍾嘉欣自2008年同武打演員伍允龍拍拖，一拍就拍咗咁多年，點知二人於上年初分手收場。昨日有報道指嘉欣BB喺失戀期間，情緒低落，返咗溫哥華療情傷，經當地朋友介紹，認識咗一個華籍男子，男方對嘉欣BB一見鍾情，拍拖幾個月就同嘉欣BB求婚，仲火速造人成功，報道更稱女方父母都好滿意呢個 準女婿，今個月就會喺溫哥華拉埋天窗，到時「處女黨」成員仲會飛去陪嫁。

湊巧昨日林峯出席活動，被問到昔日女神傳婚訊，仲雙喜臨門，佢就淡然回應：「你哋應該問番佢，呢啲報道我睇完就算…「行內人有好事都值得慶祝」好cool咁喎。

轉載請註明來源：今天頭條