唔知艾歷臣到底係hi大咗，抑或佢喺中國教咗幾年波終於開竅，知道識講嘢緊要過乜，呢位中超上海上港教練今日居然話，中國國家隊喺十年內可以贏到世界盃冠軍喎！

即 刻同佢計一計先，今年2016年，十年內即係2026年之前，下一屆世界盃喺俄羅斯踢，之後係卡達，仲有2026果屆就未有定案，即係話艾歷臣覺得中國 隊喺未來三屆世界盃之內就可以高舉冠軍獎盃嘞！一齊睇下艾歷臣係點講嘅先：「中國嘅未來好有希望，我覺得自己喺適當嘅時間，出現喺適當嘅地方，你直頭感覺 到中國足球一直喺度成長緊！依家2016年，幾乎所有球員都因為同一個原因想嚟中國踢波，使咁多錢，啲球會就會越嚟越勁，我諗過多十年、或者15年，中國 國家隊就有能力贏世界盃！」再睇真啲，原來訪問艾歷臣嘅係好似都係姓黨嘅新華社，咁成單嘢好易明啦，下嘛？

轉載請註明來源：今天頭條