呢家唔使請私家偵探啦，自己來check下!(開咪facebook)

WhatsApp捉姦？可能系依家最流行最work的捉姦方式。大家都知依家好多婚外情呀孽戀呀，都系老公／老婆透過check另一半WhatsApp check出來，連詩雅亦承認早年經常check當時男友電話。

不過好耐以前所謂check電話，其實都系睇下邊個打過來，你另一半同邊個通話多，到短訊／WhatsApp年代，偷睇埋對話內容是常識吧。不過呢個人夫就仲勁仲突破，佢竟然扮自己老婆，send留言俾老婆WhatsApp list的潛在姦夫，疑似逐個以老婆身份話「以後唔好聯絡啦，我老公開始懷疑。」

嘩，呢招引蛇出洞真毒！不過將呢個WhatsApp對話公開的網友，似乎就唔系咩姦夫，只系被誤中副車，連女方咩名都唔知亦無同佢WhatsApp過喎（但都有疑點，點解會在女方WhatsApp List?)。忽然被人設局捉姦，網友就當然一頭霧水啦，此時此刻精彩啦，女方即時變成女方老公，話「你無事啦，我再搵其他人試下」！下，男又系你女又系你，被當姦夫的網友即火起狂講粗口！

騙徒手法層出不窮，估唔到姦夫捉姦都系，不過，其實系咪真系有姦夫呢？睇老公似玩電話咁，會唔會系妄想戴綠帽咋！

轉載請註明來源：今天頭條