有幾個問題女朋友系一定會問，而且經常問、猛咁問、問到滿意……然後下次再問！

如果各位唔想出現同女朋友之間嘅「公關災難」，就記得以下答案。

1. 「我肥唔肥？」

「一啲都唔肥！痴線架你唔講我以為你厭食症！」通常仲要做到誇張到無人有，如果你唔想俾人擰甩個頭嘅話…

2. 「我今日化妝有咩唔同？」

「我唔理你化得有幾唔同，但一樣咁靚！」老實講，男人老狗點會識得分女仔隻眼影轉咗色？！仲有咩咩咬唇妝…有啲人仲會以為女朋友個嘴乾燥得濟流血添呀…

3. 「你覺得呢個女仔靚唔靚？」

無論女朋友俾佢同事、同學、韓國女團、AV女 優、明星…乜嘢雌性生物你睇都好，你都要好似身中劇毒咁面容扭曲，然後話：「嘩！咁醜樣邊度靚啊！」

如果想效果更好啲，可以伸條脷出嚟扮作嘔，再講：

「喺我眼中，任何女人喺我眼中只系一篤屎！」

可能有啲人會覺得，嘩咁誇張，邊有人會信呀？其實，女朋友就系會信！佢鍾意人氹，特別鍾意男朋友氹！呢個系拍拖定律！

女朋友可以從好多途徑聽到真話。但對住男朋友，只系想聽多啲你贊佢咯。但作為男朋友嘅你，如果想喺女朋友口中聽到讚美，咁就真系痴心妄想啦！譬如你試下問女朋友：

「新年期間好似食得太多大魚大肉，肥咗少少，你覺唔覺？」

「你直頭中年發福啦死肥佬！」

轉載請註明來源：今天頭條