戴眼鏡坤哥靚仔啲定唔戴眼鏡坤哥靚仔啲?(蘋果日報圖片)

偽毒坤哥(吳業坤)四眼形象深入民心，但佢呢個四眼look為佢帶嚟嘅係毒L、偽毒等稱號，直到最近，坤哥終於都有機會被脫毒喇！

有網友話坤哥唔戴眼鏡睇落好有自信、好有魅力。(網上圖片)

亦有網友話唔戴眼鏡嘅坤哥同最近網絡勁hit嘅傻瓜青蛙好似樣。(網上圖片---King Jer圖片)

事原坤哥最近接咗一個隱形眼鏡廣告，喺鏡頭面前騷出坤哥冇戴眼鏡新面孔，真係差啲認佢唔到啊。坤哥唔戴眼鏡轉帶con睇落真係靚仔咗，有唔少網民都大讚唔戴眼鏡嘅坤哥「好有自信好charming(有魅力)」，亦有人大讚佢由毒L升呢變「MK」，連喺網上好有影響力嘅King Jer都開po share有關坤哥拍隱形眼鏡廣告新聞，不過就加插有人認為戴con坤哥同最近網絡勁hit嘅傻瓜青蛙好似樣。

有一樣嘢可以肯定，就係坤哥戴con後唔會再有霧氣。(電視畫面)

廣告中嘅坤哥唔只棄框投con，仲同女瑜伽老師及同學一齊玩瑜伽，感覺健康到爆，不過真係有啲唔慣囉。

轉載請註明來源：今天頭條