(影片更新) 因為借廚師iPhone用之後一去無回頭，搞到留盜竊案底，再不服上訴而「成名」慨車模CoCo(袁晴晴)，巴絲們有冇印象？雖然佢個facebook 因為呢件事搞到private咗，要加好友先睇到(已經唔畀加好友)，不過今日離奇地接連po咗篇嘢出嚟。

今日CoCo喺fb講搭淘鐵被人「抄牌」。(網上圖片)

呢個就系好「勇敢」撩CoCo慨男士。(網上圖片)

是咁的，話說其貌不揚慨CoCo今日去搭港鐵去casting時遇到有陌生男想「抄牌」，佢就將呢件事同網民開心share喇。據CoCo講，呢位陌生男先拍佢膊頭贊佢一身衣著靘到爆，再乘勝追擊問佢拎Whatsapp，結果搞到佢即刻開17app直播影住呢位陌生男，然後急急腳到站下車閃人。

似系曲線贊自己喎。(網上圖片)

之後CoCo就話唔介意畀人搭訕，不過至少要認得出佢先喎，其實認到你就唔系「抄牌」啦。而佢其後再開po話自己今日打扮唔sexy，唔明點解會被人「抄牌」喎，究竟佢想表達啲咩？你懂的。

睇完網友留言，就知佢哋有幾「dislike」CoCo啦。(網上圖片)

見CoCo講到咁驚驚，《FACE》就打畀CoCo了解下，佢就話覺得對方撩佢系有企圖，不過佢稱聲成日都遇到呢啲情況，今次唔算激，佢話︰「最誇張系有一次喺旺角砵蘭街，大約11點，當時約咗朋友食糖水但自己早到咗，有人行埋嚟問我系咪等朋友，我冇理佢，之後佢就問我拎電話，我就冇出聲行開，點知佢直接問我價，叫我直接上去，唔好浪費時間。」嘩！但點解嗰次又唔見佢po喺fb公告天下慨？

轉載請註明來源：今天頭條