夫妻相處之道除咗互相包容同信任，呢個講求男女平等慨年代，家中鎖碎事或者家務，系咪要齊齊分擔？「男主外女主內」定系相反？呢個問題根本冇答案，在乎兩公婆慨共識。

不過有巴打就喺討論區開po呻老婆唔做家務，因要對方洗幾隻碗同折衫，老婆竟然回應一句「你當我系家奴?」據呢位巴打講，佢同結婚4年慨老婆一直為邊個做家務而嘈交，仲話老婆︰「佢系一個唔會主動做家務的女人，佢唔會煮飯，飯碗可以放幾日都唔洗。」最懷情況系︰「我出差一個星期，佢唔洗飲完咖啡只杯就放響台(台)度，我見到發曬(曬)毛(霉)。」搞到大部分家務都系巴打做。

到近日巴打諗住叫老婆一齊做家務，本來只系叫對方洗番自己食嘢嗰幾隻碗同折衫，點知佢老婆就覺得被老公當系家奴。谷到一肚氣慨巴打咪開po「公審」老婆囉。巴打呻雖然兩公婆收入唔錯，但所有開支好似水電煤、供數洗費都系巴打畀，而佢老婆每月扣除洗費仲有3萬幾蚊剩都要問佢攞錢，兼1年去至少8次旅行，所以覺得老婆對個家無論金錢上定精神上都冇付出。

唔少網友覺得呢位巴打老婆懶同好自私，亦有絲打留言呻自己剛相反，家頭細務同開支老公都無幫手。雖然巴打遭遇令人感表同情，不過有網友就問點解巴打婚前已經同老婆拍咗7年拖，早已了解老婆性格，但堅持娶呢位世界級港女做老婆？證明系一個願打，一個願捱，所以冇得怨喎。

有巴打開po呻叫老婆洗幾隻碗後，老婆竟覺得做家務等如做家奴！

網友仲唔插爆呢位世界級港女咩！

有絲打慨遭遇同巴打相反，咩都要自己做，老公從來唔幫手。

文章來源: https://www.twgreatdaily.com/cat99/node911888

轉載請註明來源：今天頭條