最近喺網上有位絲打因為老公嘅生意好唔掂，又終日借酒消愁，令自己覺得同老公開始溝通唔到，想同老公離婚，所以上網開PO大呻。(網上圖片)

「同甘共苦」呢4隻字講出嚟唔使2秒，但有幾多對情侶、夫妻真係做到？近排喺討論區就出現咗大難臨頭各自飛嘅例子。

開PO絲打講到自己好為老公著想。(網上圖片)

最近喺網上有位絲打因為老公嘅生意好唔掂，又終日借酒消愁，成日掉低囡囡俾自己湊，令自己覺得同老公開始溝通唔到，想同老公離婚，所以上網開po大呻。絲打話，老公係同朋友夾份做生意的，不過成績並不理想:「最近老公同朋友夾份盤生意好唔掂，佢自己份工又高不成低不就，又要養佢父母，又要供樓，已經影響到我地(哋)原本生活。」面對生意失敗，身為經濟之柱嘅老公梗係好大壓力啦，所以借酒消愁:「佢壓力好大咁，晚晚夜返又間唔時飲醉，但問佢咩事又唔講，而且完全冇時間陪我。」

網友們睇到絲打嘅case基本上係一致狂插佢。(網上圖片)

不過絲打冇體諒同支持老公，反而怪佢掉低囡囡俾自己湊:「又唔幫手湊女，要我日日對住個女，我覺得我地(哋)溝通好有問題，以前佢都唔係咁。」之後絲打同朋友傾傾呢個問題，而佢朋友俾咗個咁嘅建議俾絲打:「有朋友叫我趁佢仲有錢，同佢離婚。咁大家都有個保障，而且仲安排飯局俾我去識其他人。」嘩嘩嘩！大家睇到呢到係咪已經火冒三仗呢？絲打跟住仲咁樣關心老公:「我唔想個女變成佢負累，令佢心掛掛，畢竟同老公結婚3年。。。所以決定俾個女跟佢。」睇嚟絲打老公真係要衷心同絲打講聲多謝先得，所以絲打依家最煩惱係:「依家最煩諗緊咩時候，提出離婚。。。哎呀，煩到我呢幾日都失眠頭痛。」

絲打煩到痛都頭埋，真係好慘慘豬喎，不過網友們見到絲打嘅個案後，幾乎係一致地狂插絲打「兩個字，自私。講樓主你。」「一有事就想掉底(低)個女走左(咗)去，仲講到係為你老公好，妳都幾衰個喎! 」「大難臨頭各自飛，看來樓主已經忘記結婚時既(嘅)承諾。」

亞洲金融風暴前，羅兆輝坐擁20億身家，當時同明星女友孫佳君愛得火熱。(網上圖片)

當年坐擁過億身家嘅八両金同羅兆輝因為亞洲金融風暴而變成負資產，而佢哋嘅女伴都因為咁而相繼走佬，大難臨頭各自飛。而家絲打又再整多個例子俾大家睇，咁唔怪得成功嘅男仕都對女性冇曬信心啦。%

亞洲金融風暴後，八兩金獨力湊大仔仔。(網上圖片)

轉載請註明來源：今天頭條