情侶拍拖食飯究竟會系邊個埋單？當然港男最想AA制，港女就想男友俾，而以下呢位絲打就選擇同男友食飯輪住俾錢。

呢個方法睇落都唔錯，不過絲打就唔系咁睇喇，佢喺討論區開po呻「我男朋友喺我銀包私自拎我d錢仲話無問題」。話說絲打同男友去食飯時，當佢去廁所嗰陣，咁啱個侍應要埋數就叫佢哋埋單。由於今餐系絲打負責找數，所以問題出現了， 絲打話︰「佢就私自喺我個銀包攞錢，事後佢無同我講攞左(咗)我銀包d錢找數，只系講佢埋左(咗)單，事後我自己買野(嘢)先知道佢攞左(咗)我銀包d錢。」

絲打梗系問男友系咪做過啦：「我有同佢講過呢件事，我覺得呢個系禮貌慨問題，我唔鍾意佢咁樣，但佢話覺得好小事，覺得咁樣無咩問題，唔駛講到咁慨。」之後絲打仲話佢男友月入三萬，不過成日都話窮同對佢好孤寒，連170蚊餐飯都嫌貴喎。

唔少網友當然狂插絲打男友擅自拎絲打銀包慨行為系唔尊重人啦，最重要系連講都唔講聲，認為咁樣同小偷冇分別，仲證明絲打男友有幾愛絲打喎。如果換轉大家系絲打男友，食飯埋單時遇到同樣情況，又點會做？

巴打絲打們同另一半食飯，埋單多數邊個俾錢？(網上圖片)

呢位絲打個男友慨做法，千萬不要學。(網上圖片)

絲打話佢男友向來孤寒。(網上圖片)

絲打男友擅自喺絲打銀包拎錢埋單仲要唔出聲，當然被網友狂插啦。(網上圖片)

轉載請註明來源：今天頭條