有巴打疑似為梁天琦「擺街站」，仲開po細說經歷。(蘋果日報圖片)

立法會新界東補選投票喺2月28號舉行，近日最多人討論嘅候選人一定係6號本土民主前線嘅梁天琦同7號公民黨嘅楊岳橋，不過因為梁天琦嘅選舉郵件疑被政治審查，所以佢未獲得免費投寄。對此梁天琦選舉團隊決定以「擺街站」及「洗樓」形式將選舉郵件派給市民，但因人手短缺問題而要喺網上招募義工幫忙，而最近就有位疑似幫梁天琦「擺街站」嘅巴打上網開PO細說佢「擺街站」的經歷及所見所聞，原來香港各老、中、青嘅政治立場同大家所預期嘅有好大出入。

早前《100毛》主編林日曦(右一)都公開表示全家都會支持6號梁天琦。(蘋果日報圖片)

最近有位巴打上網開PO話自己做義工企咗4個鐘街站(疑似幫梁天琦)，但就對香港嘅年青人有少少失望，認為年青人好極端，留意開政治嘅會好留意，會主動同佢講加油，不過唔留意的一班，被巴打叫佢哋投票時，咁樣回應巴打:「邊個都唔投。」

本土代表6號梁天琦(左)及公民黨代表7號楊岳橋。(蘋果日報圖片)

不過巴打反而對年老一輩刮目相看，因為佢發現最老一輩先係最高比例支持本土派，仲遇到一位俾咗好大動力佢嘅婆婆:「最深刻嘅係，派左張宣文比個呀婆，佢轉個(頭)走返問我，乜梁天琦唔係比人拉左咗咩，咁我解釋完一輪比佢聽 然後佢捉住我隻手同我講:『太好啦 我仲以為無得投比呢啲後生仔』。唔止㗎，肯主動接宣文，好有禮貌嘅，最大比例都係呢班老坑，同我原來嘅認知係exactly(完全地)相反。」

黃洋達亦喺fb表示熱血公民會全力支持6號梁天琦。(網上圖片)

而最令巴打失望嘅，就係香港一班中年人，佢話自己企街站時，最多中年人推開佢，問候佢同黑佢面，更認為呢班中年人係最垃圾，係呢個社會嘅禍害。其他網友睇完都係叫巴打加油，亦都認同中年的一群同年輕嘅「潮人」對香港政治最「廢」。

巴打話老年的一群最支持本土派;中年人係最令佢失望的。(網上圖片)

講番今次新界東補選，本土派嘅梁天琦因為參與「魚蛋革命」而被警方拘捕，事後佢獲得大多數網民支持，而佢喺高登更獲得一面倒嘅支持率;楊岳橋係公民黨的成員，亦係泛民喺是次立會補選的重要人物。因為2位參選人都是反建製派的政黨候選人，所以有人認為梁天琦分薄了楊岳橋的票源，減低泛民成員當選的機會，從而增加了民建聯候選人3號周浩鼎當選機會。

轉載請註明來源：今天頭條