疑似有p牌女司機(紅圈)喺情人節當日撞完停泊喺佢前面的車再倒車撞向跟喺佢後面的車輛，全程被後面車cam影低。(螢幕截圖)

相信有揸開車嘅朋友一定聽過「女司機+P牌=危險」呢句說話，而最近呢句說話又再度應驗，因為今日無論喺fb定WhatsApp都瘋傳緊一段疑似一位P牌女司機一駛出屋苑就連撞3次車嘅短片，片段係由其中一位受害車主的車cam拍下，再被人上載瘋傳。

第一撞，前面停泊在路邊的一輛藍色私家車。(螢幕截圖)

第二撞，女車主撞到前面車後驚過頭，入後波極速撞向後面裝咗車cam的私家車。(螢幕截圖)

疑似第三撞，又係前面停泊在路邊的一輛藍色私家車。(螢幕截圖)

呢條車cam片長約一分鐘，係由一屋苑準備駛出馬路開始。一開始其實仲係好正常，但9秒後喺事主前面的7人車司機疑似因鈕軚唔夠盡唔夠位竟然撞向一輛停泊喺路邊的藍色私家車;當大家以為該司機會停車報警啦，點知該女司機唔知係咪驚得滯，竟然入後波高速倒後，撞向事主的私家車，嚇到車上的女乘客大叫，而肇事女司機亦立刻下車查看並跟事主理論，之後再上車欲離開，最後肇事女司機仍然冇扭好軚或入後波校啱位就直接再踩油門使向前，疑似再撞向一直停泊在路邊的藍色私家車再急停，好似完全唔識揸車咁款。有見及此，拍攝該片的車主們即刻報警求助:「何文田窩打老道文運道呢度呢度撞車啊......。」根據片段顯示，案發時間疑似係情日節當日2月14日。見到咁情況真係被呢位女司機嚇到個心離一離，乜嘢情人節mood都冇曬啦!

轉載請註明來源：今天頭條