太陽城春茗兩大焦點!

太陽娛樂今晚舉行春茗，一眾旗下藝人許志安、鄧麗欣、方力申、沈震軒、As One、劉浩龍等均有現身，連離開大台後鮮有喺香港蒲頭嘅吳卓羲都俾面捧場。不過講到最吸晴嘅，絕對係老闆周焯華華哥，呢期洗米華同扶正嘅Mandy Lieu頻頻登上娛樂頭條，最近仲被周刊影到孖Mandy遊埠湊女，話題度完勝自己人。

JM紅噹噹。

旗下藝人合照留念。

今晚華哥壓軸現身春茗，見到記者影相追問家事，佢就未有回應一支箭步入會場。不過望落春風滿面，得到Mandy嘅陪伴真係成個潤曬喎。

薛凱琪一出場即時攝入中間位置。

而女星方面最搶鏡非一姐薛凱琪（Fiona）莫屬，雖然Fiona大玩流蘇透視誘惑、又露阿婆黑底，不過一身金色埃及妖后造型真係唔係個個都識得欣賞，尤其一對粗眼線橫飛到後尾枕咁滯……啡唇嘅嘢真係識條＿呀！

Fiona嘅埃及妖后造型......

參加Cosplay party?

轉載請註明來源：今天頭條