合體拍新劇《幕後玩家》，蕭正楠就同女友黃翠如在劇中飾演情侶，攞正牌拍拖。
黃翠如 蕭正楠 收錢拍拖
13年合作《師奶 Madam》撻著的蕭正楠和黃翠如，最近再合體拍新劇《幕後玩家》，收錢拍拖！早個禮拜，劇組在油塘大本型冒險樂園取景，鏡頭前奉旨恩愛外，鏡頭後又攬又咬耳仔，全世界得佢兩個。
有床戲
蕭正楠與黃翠如情侶檔合作無綫新劇《幕後玩家》，劇中二人有結婚戲預演婚禮外，仲有床戲！
「佢兩個上次合作《師奶 Madam》效果好，今次監製陳維冠亦一早構思佢哋做情侶。雖然將戀情關係擺上檯，但 Edwin（蕭正楠）同翠如 BB都冇尷尬，兩個喺現場成日都好 sweet，但有時又會互窒耍花槍，大家最開心係佢兩個一齊萬歲！」一名劇組工作人員說。
男友肉緊翠如表現受落，之後又覺尷尬，突然推開蕭正楠。
導演叫蕭正楠從後攬住翠如 BB，點知他就鬼咁肉緊，成塊面錫落去。
這場射波戲拍了三小時完工，二人孖住收工走。
埋位前，蕭正楠細心指導翠如 BB如何射籃。
真情侶扮情侶，射籃合拍度十足。 預演婚禮
開工當日，劇組先拍一場玩籃球機戲份。埋位前，蕭正楠耐性地跟女友解釋射球竅門，翠如 BB在旁細心聽教，鏡頭前後，二人都合拍十足。
之後拍另一場蕭正楠在黃翠如耳邊細語戲份，見男友愈哄愈埋，黃翠如即刻展現甜笑。
隔兩日，戲肉來了！二人在淺水灣沙灘預演結婚。
翠如 BB大冷天穿上露肩婚紗埋位，凍到震！雖然有現成婚禮造型，但二人表現尷尬，更加唔肯合照留影。咁等遲嚇嚟真先啦！
上週三（二月三日），劇組到淺水灣拍結婚戲，二人預演婚禮。
過同居生活的黃翠如早前陪男友一家人去日本旅行，準新抱導遊上身，氹到未來奶奶冧曬！
30/7下午 3:00同蕭正楠住埋三個月，翠如 BB走曬樣，口腫面腫，雙下巴現曬形，女神形象蕩然無存。
去年從何傲芝手上成功搶人，黃翠如小三變正印，同蕭正楠愈愛愈高調。拍拖一年，控制欲強的翠如 BB，為全面掌控男友，已由半同居關係發展到正式鵲巢鳩占，搬埋去男友位於荔景華景山莊六百呎寓所，全天候監視對方一舉一動。為釐清主權身份，翠如 BB自己出錢，將蕭正楠全屋家俬包括杯碗碟，一律換新，確保舊愛物件，全數不留。
下晝三點，二人拍住拖從寓所出發去開工，一頭亂髮的蕭正楠見到記者一臉愕然。
占有欲強
以前久不久上門過夜，三個月前，黃翠如正式搬埋去同蕭正楠展開同居生活。連日來，翠如 BB要開工，都從華景山莊出發，放工後亦直接返愛巢。
上周四（七月三十日）下午三點，街坊打扮的翠如 BB和蕭正楠一齊離開華景山莊寓所，二人明顯啱啱瞓醒，翠如 BB更嚴重走樣，一頭亂髮，口腫面腫，雙下巴現曬形，身旁面青青的蕭正楠更加瞓到頭髮蓬鬆，邊高邊低，發現記者，二人一臉慌張，急急腳行去停車場各自揸車出發去開工。
原本一直與家人同住馬鞍山聽濤雅苑的翠如 BB，和蕭正楠拍拖後，不理父母反對，在同屋苑租住另一細單位，爭取私人空間方便男友上門過夜。
去年底，蕭正楠在新劇《倩女喜相逢》中和新進姣精吳若希有大量親熱戲，占有欲強的翠如 BB立即響曬警號，打爛醋埕。經冷戰後，翠如 BB決定落手，將監控進一步升級，執埋包袱去蕭正楠屋企，嚴防「野花」偷襲入侵。
「平時只要 Priscilla（黃翠如）唔使埋位，就拎住部電話打俾 Edwin（蕭正楠），第一句一定系問：『你做緊乜呀？喺邊呀？』仲要開埋視像通話俾佢睇，有時俾工作人員經過見到，勁尷尬！試過開廠收得夜，有女同事問 Edwin可唔可以跟佢車走，佢都唔敢車埋人話唔方便。」一名無線人說。
22/7翠如 BB一身街坊裝，從愛巢出發去拍廣告。
化番個靚妝開工，翠如 BB馬上變女神，在場的男工作人員當堂冧曬。
翠如 BB又要搬垃圾，又同男主角攬曬坐綿羊仔，拍到半夜三點先收工。
千絲萬縷
黃翠如做小三成功撬走蕭正楠後，男方舊愛何傲芝曾經作出反擊，但同時又傳出何傲芝搭上馬主，關係糾纏不清。
向正印示威
有指黃翠如明知何傲芝是蕭正楠女友，依然發功強搶，更故意用蕭正楠手機發送二人的親密合照給何傲芝，向正印宣戰。
分手收車
黃翠如主動出擊追求，令經常為女友何傲芝外出「偷食」問題吵大鑊的蕭正楠決絕斬纜，放棄三年情，甚至即時收回早年買給她的車和要對方搬走。
微博暗寸
被踢爆移情別戀後，蕭正楠即時確認黃翠如女友身份，何傲芝心有不甘，以舊愛金句「邪不能勝正」暗寸黃翠如姣撬男友。
暗撻馬主
寸爆黃翠如同時，何傲芝又被揭發已投向馬主懷抱，不時陪新歡出入馬場，拜金愛名牌，以黐富豪為己任。
一件不留
日前翠如 BB又從愛巢出發到金鐘拍廣告，穿上白色連身裙，化曬妝的她馬上有番個女神樣，但一停機埋位，翠如 BB就第一時間匿上保母車篤電話。
拍廣告賺快錢，翠如 BB同男主角攬實坐摩托車，又要變身村姑搬垃圾，連走三個景拍足十五粒鍾，一直到半夜三點，才收工坐保母車直返華景愛巢。
成功入屋霸到半張床後，翠如將占有欲發揮極至！自費將男友全屋家俬，甚至杯碗碟，統統丟清，由她揸弗，全部換新。
「之前有啲家俬同屋企嘢系 Edwin同 GiGi（何傲芝）一齊嗰時買落， Priscilla唔鍾意，搬入去之後已經買過曬成批新家俬，包括床單被鋪杯碟都一次過換曬，一件不留，所有嘢全部由佢揀佢俾錢。」身邊友人說。
26/7連日來翠如 BB都從男友寓所出發去開工，但在公開活動接受訪問時，翠如 BB自稱患上氣管炎，正與男友隔離。
蕭正楠以 12萬買入二手 Mini Cooper俾女友代步，更在車頭放滿小雞公仔冧女友。
深得高層余詠珊歡心的翠如 BB，更帶挈男友升格做男一。 高調傳情
去年初，蕭正楠和黃翠如合作無線劇《師奶 Madam》暗中撻著，戀情公開後，二人更加毫不避忌，不時網上傳情，打情罵俏，蕭正楠送車送禮物同游東京，戀事全公開。
硬銷男友
作為高層余詠珊頭號愛將，翠如 BB一度捲入高層鬥爭，成為祭品遭雪藏，但話咁快又重見天日，即使被彈戲屎講對白有懶音，依然劇接劇，套套女主角。女友有高層撐，連帶蕭正楠亦受惠，在無線日漸站穩陣腳，接拍新劇《倩女喜相逢》及《巨輪 2》，同樣擔正做第一男主角。
「 Priscilla好落力 sell Edwin俾啲監製，成日同人講話佢適合做喜劇，有好角色記得留個俾佢；有次俾同事見到佢孖住 Edwin入咗余詠珊間房，傾咗兩粒鍾先出返嚟，又做埋中間人，約飯局等 Edwin有機會同餘詠珊見多啲。」一名無線人說。
拍拖一年，翠如 BB與蕭正楠愛得痴纏，試過被拍得到沙灘談情，玩踢浪，男方更公然向女方索吻。
早前蕭正楠同新姣花吳若希合作拍劇傳緋聞辣㷫翠如 BB，事後即陪女友游日本補鑊。
何傲芝同蕭正楠拍拖期間，亦曾進駐男方寓所，為免男友睹物思人，翠如 BB一次過清走舊物。 揸頸就命
入主處境劇《愛．回家》，翠如 BB被踩戲屎，拖冧收視。
女友幫自己上位，拍拖一年，即使被翠如 BB箝到實一實，蕭正楠都揸頸就命，對女友千依百順；兩個月前，更以公司名義買入二手黑色 MINI Cooper俾女友代步，又在車頭位置放滿翠如 BB最愛的小雞公仔，製造浪漫。
「 Edwin間唔中都有同啲兄弟呻，話 Priscilla太黐身，一齊後完全冇私人空間，又叫啲兄弟唔系大日子大事件就唔使預佢，事關就算有時出咗嚟食飯，一個電話打嚟， Edwin就要趕返屋企交人，不過都系一個願打，一個願捱。」身邊友人說。
轉載請註明來源：今天頭條