卡拉之星王俊棠早前為藍絲網台「港人講地」為「魚蛋革命」表態。(螢幕截圖)

「卡拉之星」，大台緣葉王俊棠經常喺大大小小劇集飾演囂張武夫、粗人、打手、惡霸、社團人士及大隻佬等角色，最近佢終於跳出框框，唔做綠葉，爭取成為大家嘅焦點，為一藍絲網台「港人講地」發聲公開撐警。

王俊棠話「佢哋」，「港人講地」字幕就出「暴徒」，真係好中立喎。(螢幕截圖)

王俊棠最近接受藍絲網台港人港地為「魚蛋革命」表態，佢喺片段一開始已經雙手捧住一個寫上「向警察致敬」嘅牌，並做出致敬動作，之後佢喺訪問時表示自己喺70年代曾任職警察，更形容示威者用磚頭掟慈母係一種病態行為:「我覺得佢哋(示威者)可能有啲嘢想宣洩啦，但係就用錯方法啦，唔應該係咁仇視啲警察，去搵啲磚頭去掟佢哋囉，我諗呢個係病態嚟。」最後佢仲咁講:「如果冇警察，我諗香港會好亂，希望大家和諧啦。」

好多朋友好似唔知王俊棠係乜水，嗱，就係佢囉，參加過大台卡拉之星嗰位啊。(網上圖片)

「港人講地」係一個親建制派的網媒，文章全部以支持689、怒插黃絲及泛民為題，由前行政會議成員張震遠及梁振英競選辦顧問鄧爾邦成立。一眾高登巴絲及fb網友睇完後就怒插卡拉之星，話唔知佢係乜水;都有網友話香港要嘅係警察，唔係黑警。如果王俊棠認為示威者用磚頭掟慈母係病態、認為如果冇警察，香港會好亂的話，佢又點解釋慈母開槍、以掟磚頭還擊示威者、集體怒打記者、對良景「管理員」怒打市民坐視不理、對長發街市有不明來歷小販營業坐視不理、7警暗角打人冇咗回事、朱經緯警棍突然伸延撲到途人爆曬缸、少女被控以胸襲警等事件呢?

轉載請註明來源：今天頭條