最近幾日無論報紙, 電視定其他網絡平台, 都清一色講沙螺洞嘅油菜花田
就好似中環假玫瑰咁, 個個見到就一窩蜂咁衝去, 背後曾經有過咩故仔都唔知
今次沙螺洞嘅油菜花田, 靚就靚啦, 但有冇諗過點解咁多年黎, 無啦啦會爆出一片油菜花??
乜香港有人種開油菜花既咩??
實情真相係, 呢片油菜花係村民嘅陰謀!!!!!
有環保組織一直以來都有監察沙螺洞的生態
舊年10月, 你地而家睇見個片油菜花田既位置原本係咁樣既:
沙螺洞本來已經荒廢，它更係2004推出「新自然保育政策」下12個指定「須優先加強保育地點」之一，有唔少特別嘅物種，好似有全港5成蜻蜓品種、香港鬥魚、香港瘰螈....
而12月, 原本既野草已經唔見曬, 同時間河道被毀.....
兇手就係附近既村民！佢地未有城市規劃委員會的許可下就挖土清場, 突然間話要喺呢度開農莊
點解佢地要咁做?? 原來係因為想最終自己可以喺呢度起屋！！
因為個度有個骨灰龕發展項目(環評程序進行中), 村民怕骨灰龕計劃一旦落實, 佢地就冇地起自己既丁屋, 於是就開始「先破壞，後發展」，佢地由湖南引入油菜花的種子, 有計劃地打造成地標, 引鍾意趁墟港人入去
港人黎打完卡, 再呃佢地話要保留靚靚花田? 趁機叫佢地簽名反對起骨灰龕場，但最終其實係方便佢地日後起丁屋!!!!
沙螺洞最後發展成點我冇咩意見, 但見班村民咁離譜呃人入去, 心態可恥!!
有興趣可以睇埋呢D相關報導:
油菜花田陰謀不比LED玫瑰簡單
http://www.popnews.hk/index.php/1297
[沙螺洞跟進] 帶毒的油菜花
http://fitz.hk/sports/hiking/%E6%B2%99%E8%9E%BA%E6%B4%9E%E8%B7%9F%E9%80%B2-%E5%B8%B6%E6%AF%92%E7%9A%84%E6%B2%B9%E8%8F%9C%E8%8A%B1/
沙螺洞面對的威脅從未停止 (by長春社)
https://www.thestandnews.com/nature/%E6%B2%99%E8%9E%BA%E6%B4%9E%E9%9D%A2%E5%B0%8D%E7%9A%84%E5%A8%81%E8%84%85%E5%BE%9E%E6%9C%AA%E5%81%9C%E6%AD%A2/
從沙螺洞遭破壞看城規條例的漏洞
http://www.wwf.org.hk/en/?15100/Feature-story-Op-ed
沙螺洞濕地被抽乾 7,000平方米寸草不生
http://hk.apple.nextmedia.com/realtime/news/20151214/54534178
青山下俗氣的一片鎘黃
https://www.facebook.com/photo.php?fbid=10153466122294503&set=a.10150919711844503.414673.670874502&type=3&theater
轉載請註明來源：今天頭條