梁天琦的眼鏡在被捕時報銷。年初六，他戴平光鏡現身，五米範圍以外的影像一片模糊，令精神更恍惚，「我要維持戴眼鏡的形象。」他是港大哲學系學生，雨傘運動後成立本土民主前線。響朵之作，是去年一連串反水貨客的「光復行動」，現正參加立法會新界東補選。

他的形象，跟戴眼鏡與否其實無關宏旨，如果你初一晚在砵蘭街見過這一幕，廿多名身穿藍色衞衣的本民前成員與警察對峙。

梁天琦拿著大聲公宣布：「呢個係我哋嘅選舉遊行，公安條例容許我哋咁做，冇需要你哋批准，我哋會一直留喺呢度。」

警方回應：「你哋仲有七分鐘。」倒數期間，示威者突然發難，衝向警察防線，巷戰爆發。

到凌晨兩點，有警員連開兩槍，火藥味四散，「正常人聽到砰、砰兩聲，仲唔走？」

現場兵荒馬亂，是屠場或示警，示威者無從得知，但仍不肯散退，「×你老母」之聲此起彼落。怒火街頭，更激烈的場面隨後出現。

槍聲過後，梁天琦被押上警車。熄燈前，車窗框著他一臉痛苦，往後的招呼周到嗎？「又冇真係揼，係有啲陰濕嘢。」

手腕被屈，夾在椅後，留下了一圈手銬造成的血痂。被捕前，他被胡椒水顏射，臉如火燒，便衣探員藉故替他洗臉，

「我抬高頭，佢係要㩒低，等你似番個犯。唔耷低，就戴住手套係咁捽。」

但很快便有警察認得他，「係咪選立法會嗰個？」為往後兩日省下不少皮肉之苦。

旺角警署不但有被冚，還有飯食，「扒咗兩啖，忽然話要轉倉。個阿Sir鍊住我後頸係咁搖、一路×我老母。我拎住盒飯，跌到成地都係，痛又唔可以出聲，好多院友望住嘛。」

同倉十多名院友中，有幾張眼熟的臉孔，梁天琦卻不欲搭訕，「好多嘢諗。第一次面對呢啲處境，其實到而家都唔知點反應。」

圖說：被拘留期間，梁天琦思前想後，萬一罪成入獄，往後會怎樣， 「都洗濕咗個頭。出嚟最多咪做份牛工，過番正常人生。 港豬先至係最醒，做社會嘅free rider。」（《蘋果日報》圖片）

文章來源: https://www.twgreatdaily.com/cat99/node904939

轉載請註明來源：今天頭條