自我介紹下先..今年25歲.長期外地工作

老婆24歲 係香港工作, 我地有一個仔6歲.

兩公婆財政獨立

故事發生大約7年前,

由我識左我現任老婆開始,

我地一齊左大約半年左右,我覺得我同佢唔係好岩起埋一齊,

當時想提出分手[當時大約18,19歲]

但係個陣佢同我講佢有幾個月冇黎,

個陣我知道佢有左.我唔想拋棄佢,唔想個bb冇爸爸.

所以當時冇開口同佢講,直到仔仔出世,

我當時重搵緊5千一個月, 個陣已經冇諗到我同佢既關系,辛辛苦苦兩個養大左個仔先算.

直到兩年後.經親戚介紹搵到份萬頭既工作.經濟開始鬆d.

但問題開始黎啦.我老媽子見我開始經濟開始鬆手d,就不斷吹我結婚.

但係 我根本就已經唔鐘意佢,又點同佢結婚呢,?所以一路我都用草錢呢個藉口黎推佢.

到仔仔開始返幼兒園,公司通知我開始要出國工作,[一年大約有六個月左右唔係香港],

更加打消左=結婚=呢個念頭.當時人工開始高,經濟開始愈黎愈鬆手

老媽不斷吹我結婚,心諗,

唉.都唔知點算,我又唔想拋低佢兩個,但我又唔想同佢結婚,我又唔夠膽同女友講個真相出黎,

之後就一路拖一路拖

拖到大約兩年前..我老豆同女友老豆終於出聲.叫我地兩個結婚,[我老豆又係經常出國做野個d人黎,一年都同佢見唔到兩次]

跟住我就聽左我老豆話,上年同佢結左婚..但係經過左6,7年 我已經覺得,佢唔係我女友/老婆 個關系似一家人,又或者兩兄妹.想搵返個種感覺,但係又點都feel 唔到

唉. 直到三個月前 有一日我地成班同事放假,

跟住大家出左去玩,

我對個一齊做野兩年既菲妹有感覺,我係當晚問佢,原來佢都對我有feel.

過兩日就同佢開始左,佢大我兩年.

唔知係米細細個就做左老豆,識諗左,

所以我好珍惜佢,好愛佢.什至我想同佢結婚,生bb.

但我已經有老婆在香港.

我唔知點做.

我唔想因為當年一時既沖動,

失去左我既真愛,

但我又唔想因為我既真愛,

而失去左我既家庭.

點做好？？

轉載請註明來源：今天頭條