根據TVB網頁的節目表，發現J5在下星期一起，晚上8時至10時的黃金時段，

普通話新聞報道、普通話財經報道、普通話天氣報告、普通話新聞檔案，而新聞節目後，就播出《發現大絲路 III》、《畫中國》。

早上方面，J5就以財經節目為主，不過中午及下午收市之後，就重播大陸劇集《神鵰俠侶》同《建元風雲》。

「高清翡翠台」改名為「J5」

85台「高清翡翠台」會改名為「J5」，成為一條財富及知識並重的全新頻道，播放自製財經資訊節目，及外購紀錄片、劇集、電影及綜藝節目。

TVB 高清翡翠台 2.22 變陣 J5 台黃金時間慘變「大陸台」？

大家而家除咗留意亞視 ATV 會唔會隨時執笠之外，嚟緊下個禮拜一，即 2 月 22 日，TVB 無線電視都會更改節目頻道，

將 85 高清翡翠台變成 J5 台，仲不停咁宣傳同 81 台翡翠台有幾咁唔同；此外 81 台翡翠台都會變「真．高清」，而明珠台就要重新 tune 台先睇到。

記者一心以為 J5 台好特別，當然睇睇 J5 台有咩節目啦！一睇，真係以為 TVB 變咗 __ __ TVB！

小記望望夜晚 8pm 至 10pm 黃金檔時間節目。

嘩！普通話新聞、普通話財經報道、普通話天氣報告、普通話新聞檔案，已經去咗 45 分鐘。

之後，緊接落嚟又有《發現大絲路 III》、《畫中國》，唔同你講係 J5 台，仲以為自己睇緊中央電視台添！

講完黃金檔期，睇番星期一 J5 整個節目時間表，朝早就變成財經台，唔係法證攻防、牛熊證，就係同你睇實股市嘅《智富 360°》。

收市後，就係重播國內劇集《神鵰俠侶》同《建元風雲》，再加埋黃金檔期嘅普通話節目，唔講真係以為上咗大陸睇電視咁。唔知大家望完節目表，會唔會係「零意欲」收睇呢？

轉載請註明來源：今天頭條