噚日有任職護士嘅港女喺討論區呻爆，指自己「好似做雞 」。(網上圖片)

近年本地醫院鬧護士荒，尤其公立醫院人手嚴重不足，唔少護士長期超時工作，為咗救急扶危捱到人都殘，都咪話唔辛苦。噚日就有任職護士嘅絲打喺討論區呻爆，不過原因並唔係因為經常加班，而係覺得自己「好似做雞 」！

港女護士仲話：「喺私家醫院要o氹醫生，做私家護士要陪足病人一日」，自言「好似陪坐」。(網上圖片)

之後仲呻爆經常被醫生當阿四。(網上圖片)

港女護士坦言：「做護士十年，有時覺得自己好似做雞。 喺私家醫院要o氹醫生， 做私家護士要陪足病人一日，好似陪坐，又要沖涼。」稍後仲呻到樹葉都落：「讀護士以為好專業，做緊先發現俾人當阿四，淨係要陪住佢哋我都覺得似雞。」

有網友就話只係佢睇低自己。(網上圖片)

亦有唔少人覺得護士係值得尊敬嘅行業，力斥樓主應該轉行。(網上圖片)

呢個po一出之後巴絲上下一心圍插樓主，指佢嘅諗法「污衊一個正當行業」，又認為佢好唔專業，「著住套制服就要知道，少少身體接觸都在所難免」。 雖然樓主事後補充自己係一位好護士，自認「對病人好好，俾足customer service」，不過唔少人都叫佢「唔適應就應該轉行」，力撐「護士係值得尊敬嘅行業」。呢位絲打唔只睇唔起自己，仲得罪埋一班偉大嘅白衣天使喎，今次點收科？

文章來源: https://www.twgreatdaily.com/cat99/node902304

轉載請註明來源：今天頭條