「黑超的士哥」與「長毛男」大年初一疑因行車路線問題，先是口角繼而動武，但車CAM畫面只有下半段，雙方爭執的原因不明，有網民就在facebook上載大戰的前傳，將謎底解開，原來是「長毛男」回應「的士哥」時，一再「串串貢」，令到「的士哥」相當不滿，最終他們在爭吵一會後就大打出手。在前傳中一開始就見4名乘客上車，「長毛男」坐在「的士哥」旁邊，3人坐在後面，隔了一會，「長毛男」指自己可在明德邨下車，毋須的士「兜嚟兜去」，未幾「的士哥」就詢問對方所言的明德邨「喺邊個位？」但「長毛男」僅指「你唔好理啦，一路落啦」，「的士哥」便爆出一句，「我唔理唔得喎，我唔識去嘛」，但「長毛男」都只是指「你落啦，到咪話畀你聽」。「的士哥」聽到回應後哦了數聲，未有再說話，但數秒後「長毛男」又出聲說：「你都唔識，話畀你聽永遠都唔識㗎啦」，「的士哥」聞言後語帶晦氣指，「得啦唔講啦」，惟「長毛男」又再講：「你都唔識㗎嘛，話佢九十幾次都唔識㗎啦，落啦」，及後「的士哥」就言「壞車，唔揸.....壞咗架車」。後座3人聽到「的士哥」說話後神色驚愕，坐在左後方的男子更驚訝地詢問：「咩料呀？」但「的士哥」只是冷酷地說：「坐下先，停錶呀，我唔收添呀」，「長毛男」就稱：「即係依家點呀？」「的士哥」便反問，「壞車點開呀」，前傳至此完結。
片主回應
睇完差不多近2000個回應(包括其他網站),發現大家的問題都是圍繞在某幾個!
所以想在此解釋清楚一點!!不用大家想多了!
1.首先,本人絕對在不知情的情況下,經朋友通知才知道這段片已經瘋傳了,並不是某些人想像中博什麼宣傳,老實講,我可以博到咩宣傳呢?
2.當時我唔係唔識路,只係後排乘客提出的目的地並不明確,他說出到了明德之後係邊度邊度落說得,我只係唔清楚佢係想邊個位落,所以問多次,咁做係唔想大家有任何誤會,亦唔需要浪費大家時間!而且揸左咁多年,經驗話我地知,禮貌咁問多句,正常人絕對唔會發火或串你,又可以保障乘客無需付出多餘金錢同時間,除非司機態度差!
3.選擇停車,的確係有阻礙交通既錯誤,但係我們每天遇到的麻煩人客又點會得一個?這種嚴重無理取鬧的人客在我6年的士生涯裡確實罕見,但比此人更過份的也有遇過,最簡單的方式就是盡快另佢下車,因為你只要繼續忍,佢會比更多刁難玩你,EQ高與低已經沒關係,他們這種人就是有辦法玩到你殘為止,所以那些認為我點解唔忍下既朋友,我理解你地既諗法,但係你永遠唔會明白,我繼續忍可能會更嚴重!
4.沒有做過的士這行業,你們不會明白當中有幾多難處,我個人非常討厭的士佬,雖然我都係揸的士,但係同行既劣行我亦睇唔過眼,輪椅客唔載,一家大細又厭煩,恰女人,或者諸多刁難....等等,由其駕駛態度,足以另我完全明白點解會有咁多香港人討厭的士佬,我自己都唔知教過幾多人客點對付D仆街的士佬,但仍希望你們可以瞭解,不是每個司機都是這樣的人,我在別人挑客的同時.就會主動去接無法上車既人.由老人家優先,有時見到靚 女同老人家,我都會忍痛去車個老人家先,雖然會小自己ON9,但我車左條女先我會成晚唔安樂!
5.車上面最正氣的是女兒,因為他清楚知道自己的父親做錯了,而那個女人,亦如大家所說一樣,嚴重偏幫自己老公,雖然係好正常,但我更認同一些網友講,個女人只要出句聲打完場,乜都唔會發生,偏偏佢要加鹽加醋,唯恐天下不亂!
6.下車之後的一切動作大家無需猜測了,只可以說,伯伯好可憐,可憐到我唔想理佢,所以之後無發生任何事,而佢亦唔敢再郁手.因為佢當時已經無能力郁手,大家有留意的話,應該聽到個女人下車後講左句說話,就可以知道個伯伯咩情況!其實下車之後我有用手機拍底件事,不過唔會上傳了,無必要咁做,比返小小面人好D!
7.下車後唯一發生過一件事.另我可以猜測出伯伯的身份,經朋友查明後亦有了答案,當時有部專線小巴停底,司機下車同伯伯傾幾句後,好似好惡咁行埋我度兇我,但老實一句,身高只得1.6左右的光頭叔叔,恐怕你未能另我感到恐懼,所以佢只係可以小幾合句就走了,仲叫我唔好走等佢,我等是等了,但他回來警察都到了,咁佢叫我等佢仲乜?在這裡呼籲一句,光頭叔叔想找我的話,PM本人!
8.請大家不要拿那女孩子恥笑了,她也算是百般無奈的!!
9.事件在警員到場調停後,雙方協議不追究後離去,而當時伯伯一家人更由警方親自護送,算是拾回尾彩了!
10.我唔明點解會有D口痕友借題發揮,話UBER點好點勁,呢一點我好想同你們講,如果UBER的司機由今天開始全面取締的士,那後果亦是變了名的的士佬而已,大家沒有想清楚的士點解會有咁多人覺得有問題,只係諗壞既方面,如果的士可以好似UBER咁有得選擇客人的話,我保證沒禮貌的的士司機立即消失九成,同樣地,如果UBER的司機並不可以接ORDER,只可以在街搵客,我亦肯定,仆街UBER佬之名不下於的士佬!
非常感謝支持我的朋友,我唔知道點解條片會流出街,更加估唔到會引發咁多人評論,無論你覺得我岩同錯都好,事件已經完結了,大家的問題我亦在此解答了!!!
轉載請註明來源：今天頭條