交代下先

第一份，係以前考完公開試做左兩個月既waiter.嚴格來講，都唔算係真正出黎做野既full time.

直至2015年5月，associate 畢業（我讀business)，本身我可以讀上去degree(1d無興趣既科，offer year two 比我），但我個人本身唔鐘意讀書，所以最後決定左投身社會。

其實早係畢業前，我已經打算考警察，無論警察形象差又好，點都好，起碼薪高糧準，福利好，對我呢d 半桶水學歷既人，已經算係好滿足，一畢業，搵21k,夫復何求阿？

但奈何，人類總會被吹脹。我係2015年5月開始操體能，溫書，左搞右搞，終於係9月去到品格評核。點知個考官要我申請馬會記錄，一睇，原來賭錢賭左5皮 幾，個陣已心知不妙，但考官又同我講：世事無絕對，你一定有機會，又叫我留意電話，又操體能，總之講到我99%入班，點知10月班無我份，1月班又無份， 同期投考既朋友已經收到fail letter,我到呢一刻，仍然乜都無。

我一直係到念，係咪我無用？定係自己唔及其他人？我唔開心左一排，係一個偶然既機會，入左一間大酒店做炒散（2015年10月開始）一做，就做到而家，最 緊酒店話請人，我去apply,最後做左長工。計曬所有福利，tips and bonus,都average 19~20k一個月。突然發覺塞翁失馬焉知非福既道理，有時好多野未必係想像中咁差，我曾經好唔開心過一排，但而家既我，反而好開心，即使工作辛苦，仍然 好滿足。

做酒店呢行晉升潛力好似比警察高，當然會受市場經濟環境影響，但係我明白一個道理，寧願做最差既最好個個，總好過做最好入面既最差個一個人。

轉載請註明來源：今天頭條