噚晚(2日)出街慨大台節目《東張西望》喺節目尾聲就請咗3位私影models講述做model時慨遭遇同原因。(電視畫面)

(影片更新)噚晚(2日)出街慨大台節目《東張西望》喺節目尾聲就請咗3位私影models講述做model時慨遭遇同原因，結果網友睇完後就熱烈討論呢3位models，當中極大部分網友都系插3位models慨價值觀同外表，質疑佢哋以咩條件做model。

Natalie想靠做model賺500萬。(電視畫面)

3位分別暱稱Natalie、Debbie同Victoria C慨私影model早前就上咗大台節目《東張西望》分享佢哋做model的點滴，節目喺噚晚(2日)出街，當佢哋被主持人問及做model的原因時，Natalie指希望可以儘快買到樓:「我自己慨夢想系希望買層500萬慨樓，同屋企人住慨，新聞都有講，唔食唔住都要19年先買到樓，我希望我呢個夢想可以早啲達成。」

Debbie就希望增加曝光率:「一來系自己慨興趣啦，同埋曝光率啦，其實我哋接唔同慨工作都系想有多啲機會喺幕前出現，好似Angelababy(似佢咁搵到黃曉明?)呢個系bonus嚟，似徐子淇好似比較開心啲喎。」最後Victoria C表示唔想做一個打工仔，所以就做model:「我好細個就接觸呢一行(model)，我覺得我......真系唔想打工咁辛苦，日日對住部電腦，又或者要企成日9個鐘咁，我覺得呢一行可以俾到我好多機會，所以我好鍾意呢一行。」

Debbie話想好似Angelababy咁喎。(電視畫面)

Victoria C就唔想做死一世打工仔。(電視畫面)

網友睇完3位私影model解釋做model原因後，梗系怒插佢哋，話佢哋唔踏實、發明星夢啦，而據一般私影model市場價，普通model亦只有數百元一小時，內衣私影價錢會再高一點，加上又唔系密密做，每日10小時，所以靠做model短期內賺500萬的確唔實際，另外邊有咁多個徐子淇呢?世上都系得一個徐子淇，所以唔怪得網友話3位發緊明星夢。

Victoria C慨私影相，同節目中慨佢真系好似唔同樣喎。(網上圖片)

佢哋慨入行原因當然被巴絲勁插啦，但最多人插慨，系佢哋慨外貌。唔少巴絲睇完，都極度質疑3位點解可以成為model，更有人用「極品」嚟形容佢哋。在節目中，只系Victoria C承認自己有整容，但只系屬於微整形的注射整容，其他2位就強調自己系「純天然」。之後亦有巴打搵到數張Victoria C的私影照，照片中慨佢同《東張西望》中慨佢睇落完全系判若兩人，所以被巴打們質疑佢照片中過度ps。

Victoria C喺fb po 3人合照。(網上圖片)

做私影model系唔系搵到錢、可以成為下一個徐子淇、一世唔使打工就唔知，但因為大台節目而多咗巴絲討論你哋就大家都知，算唔算系出咗名呢?

轉載請註明來源：今天頭條