純純兔背住拍拖7年嘅廚師男友戀上叔叔！(網上圖片)
七年真係一個關口！好似胡杏兒同黃宗澤、郭富城同熊黛林，當年就係不敵七年之癢而分手。噚日有自稱係「誠實廚房男」嘅巴打喺討論區開po，透露自己同港女女友拍拖七年，因為另一半戀上中坑叔叔慘戴綠帽。
被男友撞破後，女方仲懇求男友體諒，又話明知自己玩緊火。(網上圖片)
任職大廚嘅巴打同文職女友拍拖7年，準備明年求婚。女友原是一名純純兔，最近突然聲稱要OT而晚晚夜歸，仲試過唔返屋企瞓，令巴打覺得相當有嫌疑，所以佢就決定請假一天接對方放工，竟然驚見女友上咗一名「中坑」嘅車，二人喺停車場時叔叔仲攬到女方實一實兼喺車廂激咀！事後樓主同女友攤牌，女方懇求男友體諒，因為自己「好痛苦、明知自己玩火」，希望巴打可以畀兩年時間佢離開呢位中年男士。
好彩婚前已經睇清楚。(網上圖片)
唔少人都話分手要狠，無謂一拖再拖。(網上圖片)
唔少網友都指純純兔好自私，勸樓主「分手要狠」、「早走早著」，皆因「一次不忠百次不用」；又謂好彩「睇到真相，唔駛做老襯」。樓主就話：「勸大家唔好做工時太長、要輪班嘅工作」，因為無時間陪女友就會搞成咁。唉，今日結婚嘅古巨基比普通人更加忙碌，咪又係可以同助手女友Lorraine拍足廿年拉埋天窗！
不過又唔係人人都敵不過七年之癢，好似古巨基咁，今日迎娶拍足廿年嘅助手女友Lorraine。(網上圖片)
轉載請註明來源：今天頭條