我同ex係中學同學, 一齊左3年, 上到大學佢同我講性格不合同我分手, 果時無諗咁多, 因為成日嗌交, 所以真係覺得自己同佢係性格不合!

我地和平分手, 因為咁岩又升同一間u, 無謂面阻阻所以見到佢都會say個hi~

點知分左手大概兩個月度, 就見到佢係學校拖住另一個男仔......

我當時簡直覺得晴天霹靂, 雖然分開左, 但一齊左咁耐個心都仲係中意佢! 之後我幾經辛苦搵到佢個best fd問佢同我分手既真正原因係咪因為第三者而唔係咩性格不合, 點知佢竟然同我講:

好老實講, 以你咁既look溝到啊X你執到啦! 你睇下你, 日日都係著件咁既格仔衫, 條牛仔褲甩哂色穿哂long你以為自己好型丫? 仲有啊, 你屋企要擔水架?個頭油到十年都無洗過咁! 佢係同你分左手先同依家個男朋友一齊既, 講真丫X咁靚, 依家佢搵到個同佢匹配既男仔你應該祝福佢啦!

我聽完之後無嬲佢... 因為佢講既所有野都係岩, 我的確係個死毒男!!!

所以之後我都無憎佢, 依舊打招呼, 咁就過左個大學生涯...

畢左業先兩年, 我竟然就係上個星期收到佢結婚既請帖...

為左表現我係大方既男人, 我決定左去, 因為都仲有班中學同學一齊去

雖然4年過去左, 但我依然係咁既樣, 不修邊幅, 油頭粉面...

好驚去到會俾佢地笑, 但又唔可以唔去...

大家可唔可以教下我應該點做?

文章來源: https://www.twgreatdaily.com/cat99/node898904

轉載請註明來源：今天頭條