TVB處境劇《愛·回家》舊班底「馬家」自從舊年12月回歸後，成功挽回該劇變陣後嘅收視頹勢，加上《愛·回家》嘅「馬強」徐榮4個月大囡囡化身「馬家好」融入「馬家」，其圓碌碌大眼睛Cute到暈，難怪令劇集收視節節上升。不過「開心時間過得特別快，又系時候講byebye」，播足4年嘅《愛·回家》終於步入結局篇。

「馬強」徐榮今日就喺微博上載《愛·回家》第995集劇本封面照，佢留言話：「拿著這集劇本的心情真難形容！」，同劇嘅「馬壯」黎諾懿轉發徐榮嘅照片，留言話：「已進入最後階段，加油，猴年大吉，好頭好尾，完美的完結。」

數數手指，《愛·回家》至今已播到第960集，播足4年，而徐榮劇本上寫住「第995集結局本：今夜·回家·愛在念掛」，即系距離大結局僅餘35集，預計一個多月後就播完啦，始終無法突破之前傳聞嘅1000集大結局。

「馬家」舊年12月回歸劇組，成功為收視救亡

徐榮4個月大囡囡，喺《愛·回家》中飾演「馬子仁」羅天宇嘅囡囡「馬家好」

轉載請註明來源：今天頭條