近日有巴打喺討論區開PO指出，「藍絲」醫生佔絕大多數，部份醫生更加以「廢青」恥笑喺「魚蛋革命」的示威者。(網上圖片)

高學歷、有學識、受人尊敬、妙心仁手嘅醫生喺「雨傘運動」及「魚蛋革命」期間多次為受傷的慈母及示威者進行施救，但本應政治中立的醫生其實亦各有立場。近日有自稱係新紥醫生的巴打喺討論區開PO指出，「藍絲」醫生佔絕大多數，部份醫生更加以「廢青」恥笑喺「魚蛋革命」的示威者，真係令人大跌眼鏡。

樓主不滿一班藍絲醫生恥笑「魚蛋革命」示威者。(網上圖片)

在討論區開PO的巴打自稱係一名「初出茅廬嘅醫生仔」，喺香港某一醫院任職。巴打話因為「魚蛋革命」的出現，整間醫院都以此為討論題材，不過10位高學歷、有學識嘅醫生有9位都係「藍絲」，而呢班「藍絲」更對日前有報導指被捕的示威者唔係失業就無業恥笑一番，乜讀咁多書出嚟就係學識點樣恥笑人嗎?

巴打見到呢班「老屎忽」醫生如何恥笑呢班為香港人豁出去爭取的示威者時，心裡非常不爽，但又唔敢挺身而出直斥其非，所以就好間接地回應呢班「藍絲」醫生:「咁又唔係咁講既(嘅)，佢地(哋)肯出來為我地(哋)抗爭，唔好咁話佢地(哋)啦。」但「藍絲」醫生一句回應即刻令巴打收聲:「有人鬧我地(哋)落井下石唔支持，但我有話過要佢地(哋)幫我抗爭咩? 」

「魚蛋革命」起因咪又係因為689政府，不過離地的中產及上流又點會感受到民間疾苦呢?(蘋果日報圖片)

其他網友都係話醫生及一班霸權主義者不太受689政府施政所影響，係貧困、貼地星斗市民先深受689政府所害，認為巴打喺「藍絲」當道的醫院仍然可以保持出淤泥而不染的心境非常難得。查實「藍絲」醫生講嘅嘢不無道理，因為689政府壓榨嘅只係香港基層市民、難以買樓、以作街頭小販為生等的一群;一班比較專業、可以坐喺屋企飲紅酒、等閒飛嚇日本、歐洲的中產或上流社會人士其實真係可以繑埋對手唔使理689，冇必要爭取、抗爭。大不了咪移民囉。

轉載請註明來源：今天頭條