有的士司機同乘客喺大年初一「開年」。(螢幕截圖)

新正頭相嗌唔好口，點知就有的士司機喺年初一因為目的地問題而同乘客先則口角，繼而動武，佢及後更將由車cam拍得的整個「開波」片段上載上網，叫網友評理。

由的士司機的車cam所拍得的片段中見到，事發時間係2月8日，即係大年初一，有4位乘客登上的士，一黑超男及二女坐在的士後座，而一位年約50歲的男子則坐在前座。起初，後座的黑超男講出目的地坑口明德邨，但司機因為唔熟路而問乘客點去:「你講講明德邨係邊個位嚟。」但坐前座嘅乘客咁應司機:「你唔好理啦，呢度(明德邨)落啦。」而司機再反駁:「我唔理唔得喎，我唔識去呀嘛。」不過前座大叔呢一段回應就成為之後開拖的導火線:「你落啦，到咪話俾你聽囉，你都唔識，話俾你聽你永遠都唔會識㗎啦，(得啦，我唔講啦)話你九十幾次你都唔識㗎啦。」

因為唔識路問題，加上乘客態度令司機不滿，二人疑似大打出手。後座乘客亦阻止唔嚟!(螢幕截圖)

前座乘客一講完呢段說話，的士司機立刻以壞車為由，將的士停下，再按停咪錶，話唔收錢，並指責前座乘客態度「寸咀」。前座乘客被司機指責後不但冇道歉，更以粗口幫司機「開年」，司機忍唔住亦到同前座大叔口角，後座三人勸阻無效，更聲稱要報警，最後司機及前座大叔大打出打，但因空間細少，二人及後相約往車外「決鬥」，而坐在後座的三位乘客欲立刻開車門到車外勸交，可惜花咗數十秒先能成功打開車門。當眾人開咗車門，聽到其中一位女乘客大叫:「嘩，你做乜打到佢爆曬缸呀?」影片也隨之結束。

文章來源: https://www.twgreatdaily.com/cat99/node896282

轉載請註明來源：今天頭條