是咁的 我係一個衰人 但係你地插我之餘我都想有人可以攬住我 支持我

交代下背景先

其實我七年前既中秋節識到佢 下面就叫佢S小姐啦

果時我都係18歲 岩岩中五會考冇耐 岩岩讀ive

而S小姐就細我兩年 仲讀緊中學

佢係我朋友介紹我識 而S小姐既呀哥係我中學同學

中秋節果晚大家都玩得好開心 最後都交換左電話

交換電話之後我地每日都會sd msg

兩個禮拜後我地就一齊左

其實一開頭 身邊所有人都以為我地咁快就一齊 一定會好快散

但我地都一齊左七年 大家出黎做野之後感情都冇變

我一直都以為我會同S小姐過埋呢一世

其實我同係年幾之前已經計劃同居

佢好好彩 屋企有層樓可以平時價大半租俾我地

而一開始S小姐都同我講左 租金係會一人負責一半

直至上年12月尾 我同佢鬧左場交

因為果日佢忽然間叫我負責所有租金

我發左佢好大脾氣 講左啲好難聽既說話

其實嘈完都冇半個鍾 佢已經氹返我

第二日 我諗左好多野 我覺得明明好多野都一早傾好曬 點解要冇啦啦反口

其實我搵錢唔多 全租係我人工既3份1 仲未計其他日常開支

忽然要我交曬所有租打亂左我既計劃 而我既計劃係三年後同佢結婚

我忍唔住 同佢講我養佢唔起 分手

跟住佢就爆發出黎 話我唔負責任 冇承擔

同佢嘈左一個鍾 夜晚佢問我第2日做冬洗唔洗預埋我 我同佢講唔洗

4日後 到左聖誕節果日 我到佢fb post左相 知道佢同人飲緊酒

我發脾氣搵佢 話佢分手冇幾耐就已經同人飲酒

之後果幾日 我地都係咁鬧交

從中我知道 叫我交曬所有租係佢屋企人既意思 佢決心離開我既原因係我成日鬧佢 講啲好難聽既說話又一直冇改

呢段時間 我為左氹返佢 我SD左好多message俾佢 我試過上佢屋企搵佢

去佢公司樓下等佢 去佢屋企樓下等佢 第一次整禮物送俾佢

但係佢都係冇返轉頭

去到今日 我都仲有搵佢 但係佢今日已經將所有我搵到佢既方法block曬

我真係好想佢知 經過今次 我已經同之前唔同 我已經改善左自己既脾氣

我亦都諗過計過 佢要既野我係俾到佢

有冇人可以同我傾下計開解下我

轉載請註明來源：今天頭條